Mavingu 27:17 - Bhiblia Yo Sawuleka

¹⁷ Kufana ni simbi yi lotako yimwani simbi, ngu toneto kambe ni m'thu, wa thuvikisa khohe ya mmwani.

Mavingu 27:17 Referans Kwoze

Vahebheru 10:24

Ahi laveni tinzila to vhunana, hi txi tsaniselana amu ka lirando ni ka mithumo ya yinene.

Mavingu 27:9

Mafura ni sotshe so nungela si tsakisa mbilu; ngu toneto ni sileleto sa mngana, ka wule a lwalako.

1 Samuwele 23:16

Sekoko Jonatani, mwana Sawule a to khukha eya ka Dhavhidha txitingani e tsanisa dianza dakwe ka Txizimu,

2 Timoti 2:3

Nawe, xaniseka kumweko ni nani, nga disotxhwa da dinene da Jesu Kristu.

Jakobe 1:2

Vanathu, yi woneni i di mhaka ya kutsakisa ngutu, amukelani ngu mbilu yo tsaka sotshe siduko si mi si manako,

2 Timoti 1:8

Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

1 Vatesalonika 3:3

Kasiku, ni wammweyo asi vi ni kukarateka ngu mhaka ya sixanisoso, nguko ma tiziva ti to ngu yoneyo nzila yathu.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Joxuwa 1:18

Ni wihi m'thu wu a no kaneta sileleto sako, asi engisi mapswi ako ka totshe ti u no mruma, a na dawa; aniko tsana dwe, uva ni mtamo.

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Mavingu 27:16

Ni wihi wule a mmalatako, ti fana ni kutsimbisela moya; ni ku nga a to fumbareta mafura.

Mavingu 27:18

Awule a xayisako mkuwu, a na dya mihando ya wona; se awule a xayisako nyamne wakwe a na dhundeka.

Mavingu 29:22

M'thu wa txihenyisani, wa wusa mazunga; se awule wa txiviti wa engetela sihambunyeto.

Johani 11:29

A di engisile eto, a to kuluveta kukhukha, e tsula kwakwe.