Votshe vanawe va txisiwana va txi nyenya; ngutu-ngutu vangana va txona, va na tshuketela kule! Txa va londeta ngu kututuma txi va dhana, aniko kha va txi vhuni ngu txilo.
Mexibhoseti mwana Sawule, a to relela nene e hingeta mfumeli, a to tsula a sa samba minenge, hambi kuwila maletu akwe, hambi kukuwula syambalo sakwe, kukhukhela ka ditshiku di mfumeli a nga khukha ngu dona kala ka ditshiku di mfumeli a nga wuya ngu kudikha.
Kambe mfumeli a to felela Mefibhosete mwana Jonatani, mwana Sawule, ngu mhaka ya txixambanyo txa Mkoma, txi txi nga ti tiho kwawe, hagari ka Dhavhidha ni Jonatani, mwana Sawule.
Ngako di di txite, Vajudha vokari va to sunga txikungo, va txi ti kurumeta ngu kuxambanya, va txi kha vona va na mbi dya ni kusela, va sinzi kudaya Paulo.
Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.
Mfumeli Jowasi kha khumbula wunene awule mphaxeli Joyadha, tate wa Zakariya a nga mmahela wona. A to m'dayela mwanana wakwe, awule mbimo yile a nga ti lava kufa a nga khene: Mkoma, wona a ti va ti mahako, wu va tshumetela!
Nguko yotshe nyumba ya tate wangu nja vathu vo fanelwa ngu kufa, masoni ka mfumeli nyamne wangu; hambi keto, u vekile txithumi txako hagari ka vale vadyako mezani kwako; I txani kambe ni nga txi dilelako ka mfumeli kani?