Mavingu 26:5 - Bhiblia Yo Sawuleka

⁵ Xamula txiphukuphuku ngu nzila yo txi komba wuphukuphuku wa txona, kasiku txi si ti woni txi di txharihile.

Mavingu 26:5 Referans Kwoze

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

Mavingu 28:11

Nyatithombe a ti wona a di txharihile apune; aniko txisiwana txile txo txhariha, txi na mtumbula.

Titosi 1:13

Kunene wufakazi wuwa mbwa ditshuri. Ngu konaho, va kawuke ngu mtamo, kasiku ve tsana amu ka likholo,

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Johani 8:7

Kota ngako va nga txi phikiza ngu ku mu wotisa, a to lulama, a txi va gela ku khene: “Awule hagari kwanu a manekako a si nga ni txionho, a na thange ene a txi mu rinza dirigwi.”

Mavingu 26:12

Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.

Mavingu 26:4

Txiphukuphuku u nga txi xamule madingano ni wuphukuphuku wa txona, kasi ku na nawe u si fanani natxo.

Mavingu 3:7

U nga ti wone u di txharihile upune; thava Mkoma, kambe hambana ni kubiha.

Isaya 5:21

Dikhombo ka vale va alakanyako to va txharihile, ni kutithemba kupinda mpimo.

Mavingu 26:6

Awule a rumako txiphukuphuku kuheleketa dipswi, wa ti wila minenge, ni ku tiha dikhombo.