Mavingu 26:25 - Bhiblia Yo Sawuleka

²⁵ A txi kukhongotela ngu mapswi o tshamba, u nga mthembe, nguko mbiluni kwakwe ku ni mtxhanu wa sinyenyeko ni simbidi.

Mavingu 26:25 Referans Kwoze

Jeremiya 12:6

Nguko ni vona vananu ni nyumba ya tate wako va ku lundumisile; ve ku kulumela. U nga va tumele hambi va txo kugela mapswi o tshura.

Masalmo 28:3

U nga ni pate ni sigevenga, ni vale va mahako kubiha; vona va womba kuthutha ka mu akelani wawe, aniko timbiluni kwawe, va na ni kubiha.

Matewu 24:23

“Ka yoneyo mbimo, ngako va txi mi gela ku kha vona: ‘Kristu ndiyo hawa’ mwendo ku: ‘Ndiyole haleya’, mi nga tumeleni.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Mika 7:5

Mi nga kholweni ka mngana, hambi kuthemba mthangeli wanu; tsivela wule a otelako hakhana kwako, bundamisa txisofu txako.

Mavingu 23:7

Nguko a ti a nga ti alakanya, ti mbiluni kwakwe; ene a na kugela ku khene: Dyana kha kwati u sela; na kuve mbilu yakwe kha yi nga ni nawe.

Mavingu 26:23

Txisofu txo hinda, ni mbilu yo biha, si fana ni txikandyana txo nameketelwa silivhela.

1 Samuwele 18:17

Se Sawule a to khene ka Dhavhidha: Wona taku ni na kuninga Merabhe, mwanana wangu wa hombe, kuva msikati wako; tikombe kuva mwanana wa wu ndena dwe, ulwa tiyimbi ta Mkoma (Nguko Sawule a ti ti khene: Dianza dangu di nga mwukele, kambe a na dawe ngu dianza da Vafilista).

Nehemiya 6:2

Sambalati ni Geseni va to rumela m'biko, va txi kha vona: Ngono hi ta tshangana sidhoropanani ka mkova wa Ono. Aniko vona va ti ti lava kuya ni maha ta walo.