Mavingu 26:21 - Bhiblia Yo Sawuleka

²¹ Nga makala txitimwi ka makala a mndilo, ni tikhuni ha ka mndilo, ngu toneto m'thu wa txiluse wa wusa mazunga.

Mavingu 26:21 Referans Kwoze

Mavingu 29:22

M'thu wa txihenyisani, wa wusa mazunga; se awule wa txiviti wa engetela sihambunyeto.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Mavingu 30:33

Nguko ku txi sengwa masi ka maneka dithoma, se ku txi kamwa thonvu, kuhuma mnoha, se ku txi wuswa kuhenya kuhumisa dizunga.

Mavingu 10:12

Livengo li kujetela mazunga, aniko lirando la fenengeta sotshe sihambunyeto.

Masalmo 120:4

U na fulwa ngu miseve yo lotwa ya yimbi. Ya kuhiswa ha mndiloni ka makala a mndonga wa msonje.

1 Vafumeli 12:20

Se ku to maheka ati to, va di ti pfite votshe vathu taku Jerobhowamu a wuyile, va to rumela dipswi do m'dhana e ta ka msengeletano, ve ta mfumisa txitimwi ka dotshe ditiko da Israyeli; kha ngaho wu a nga londisa mahanyelo a nyumba ya Dhavhidha, hahanze ka lihunzu la ka Judha.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.