Mavingu 26:20 - Bhiblia Yo Sawuleka

²⁰ Ku si nga ni tikhuni, mndilo wu na timeka; kambe ku si nga ni va malengo, dizunga di na guma.

Mavingu 26:20 Referans Kwoze

Jakobe 3:6

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Mavingu 22:10

Humisa hahanze mtseketseli, u na heta dizunga; mhaka ni tingana si na guma.

Mavingu 16:28

M'thu wa wubihi a wusa mazunga, se awule wo hemba a hambanisa vale va ku ni wungana ngutu.

Mavingu 26:22

Mapswi a m'thu wo womba-womba ta walo, ma fana ni sakudyanyana so lombela, sile si relelako mrumbuni.

Jakobe 3:5

Kufana ni toneto, lidimi ni lona, hambiko i ku txihango txa txidotho txa mmidi, la ti dhumisa ngu mithumo ya lona ya hombe. Wonani mndilo wa wudotho, wu hisa txitinga txa hombe ngutu.

Levhi 19:16

U nga phaye livengo hagari ka va ka kwanu; u nga mangalele mwakelani wako, eza e mana phango. Ani ngani Mkoma!