Mavingu 26:12 - Bhiblia Yo Sawuleka

¹² Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.

Mavingu 26:12 Referans Kwoze

Mavingu 29:20

U ti nga mmona m'thu wa magwava amu ka mapswi akwe kani? Txiphukuphuku txa thembeka kupinda ene.

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

Mavingu 28:11

Nyatithombe a ti wona a di txharihile apune; aniko txisiwana txile txo txhariha, txi na mtumbula.

Mtuletelo 3:17

Nguko u khawe: ‘Ni nyatithombe, ni humelete, kha ni pwati txilo.’ Aniko khu ti zivi ti to ngawe mxaniseki: Nyantshanzale, u txisiwana, u dibhofu, khwa ambala txilo!

Matewu 21:31

Se i mani ka vona va vavambidi, awu a nga maha kuranda ka tate wakwe, kani?” Se vona va txi kha vona: “Ngu wule wo khata.” Jesu a to va gela a txi khene: “Ngu ditshuri nanani na mi gela: Vakhupisi ni magelegele va na mi thangela kuwulela Mfumoni ka Txizimu.

Mavingu 26:5

Xamula txiphukuphuku ngu nzila yo txi komba wuphukuphuku wa txona, kasiku txi si ti woni txi di txharihile.

Luka 18:11

Mfarisi a di emile, a txi khongelisa tiya khanani kwakwe: ‘Txizimu, na ku bonga, nguko kha ni fanani ni vamwani vathu, i ku makhamba, sidambu, ni vamahi va wugango; kambe hambi mkhupisi wuwa kha ni fanani nayo.

Luka 7:44

Se a txi tshembereka, a txi wonetela awule wamsikati, a txi gela Simoni ku khene: “Wa mu wona wu wamsikati, kani? Ni wulete nyumbani kwako, khwa ni ha mati a kusamba mikondo, aniko ene a nakanisile mikondo yangu ngu mirongo yakwe, a txi yi bahulela ngu misisi yakwe.

Mavingu 26:16

Txiphukuphuku txi ti wona txi di txharihile ngutu, kupinda mtxhanu wa vavamna ni vambidi vo xamula ta tinene.

Mavingu 22:29

U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Mavingu 3:7

U nga ti wone u di txharihile upune; thava Mkoma, kambe hambana ni kubiha.

Johani 9:41

Jesu a to va xamula, a txi khene: “Idiku kha mi nga mabhofu, nga mi si nga ni mnandu. Aniko ngako mi ku khanu: ‘Ha wona!’ Ngu toneto, txionho txanu txi namarete.”

Mavingu 12:15

Txiphukuphuku txi ti wona txi di ka nzila ya yinene, aniko awule a engisako sileleto a txharihile.

Mavingu 28:26

Awule a thembako ta mbilu yakwe apune, hi nga wa txilo, kambe wule a tsimbilako ngu kutxhariha, a na huluka.

Isaya 5:21

Dikhombo ka vale va alakanyako to va txharihile, ni kutithemba kupinda mpimo.