Mavingu 25:3 - Bhiblia Yo Sawuleka

³ Kuguleka ka nzuma ni kutshima ka mafu, kha ku na kuxolwa, hambi ni timbiluni ka vafumeli.

Mavingu 25:3 Referans Kwoze

Masalmo 103:11

Nguko, nga ti nzuma yi ku kule ngutu ni mafu ngu toneto ni lona lirando lakwe ka vale va mthavako.

1 Vafumeli 4:29

Kambe Txizimu txi ningile wutxhari ka Solomoni, mapimo a hombe ngutu ni wuzivi wo talisa ku nga mtxhefa wa mabambe ka linene.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Varoma 8:39

hambi mitamo ya txitimwi, hambi kudemba ka nzuma, hambi kuhokoma, hambi txivangwa txihi ni txihi, kha txi na mbi sikota ku hi hambanisa ni lirando la Txizimu, li nga kombekiswa ngu Kristu Jesu Mkoma wathu.

Isaya 55:9

Nguko nga kule nzuma yi ku txitimwi ngutu kupinda mafu, ngu tona eto, ni tinzila tangu ti txitimwi ngutu kupinda tinzila tanu, ni mialakanyo yangu yi txitimwi ngutu kupinda mialakanyo yanu.

Isaya 7:11

Ti kombelele ka Mkoma, Txizimu txako, txikombiso to kari; kombela ti to txi huma ngu hahatshi ko tshima, mwendo ngu txitimwi ko guleka ngutu.

Mavingu 25:2

Txizimu txi dhundwa ngu ku txi nga sisa to maha; aniko kudhundeka ka vafumeli ngu loku va txi xola timhaka totshe.

Mavingu 25:4

Thavisa nzambwa yi gololokako ha ka silivhela, kasiku muwumbi a na wumba ngu yona txiya.