Mavingu 25:12 - Bhiblia Yo Sawuleka

¹² Awule a gondako ngu kuengisa sileleto, i txhuko kupinda singeda sa nzalama yo hehuka.

Mavingu 25:12 Referans Kwoze

Masalmo 141:5

Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.

Mavingu 15:5

Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.

Mavingu 20:12

Nzeve yi yi engisako, ni diso di di wonako, ngu wumbidi wa sona si mahilwe ngu Mkoma.

Mavingu 9:8

U nga kawuke mtseketseli, kasi ku asi ku vengi; kawuka txhari, yi na kuranda.

Jobe 42:11

Sekoko va to ta kwakwe votshe vanawe va txiwamna ni va txisikati, ni votshe vale va nga ti ti m'ziva ngu kale, va txi ta dya nayo dipawu m'tini kwakwe, va txi mtsetsa ni ku mthavelela, ka wotshe wubihi wule Mkoma a nga ti ti mrumete; se mmweyo ni mmweyo wawe, a to mninga male, ni tiphera ta nzalama.

Matewu 12:35

M'thu wamnene a humisa sa sinene ngu ka thomba yakwe ya yinene; kasi m'thu wa tshofu, a humisa sobiha ngu ka thomba yakwe yo biha.

Eksodha 32:2

Aroni a to va xamula a txi khene: “Thaviselani singeda sa nzalama ati ti ku tinzeveni ka vasikati vanu, ni ka vanana vanu vavafana ni vamahorana, mi txi ni tisela kona hawa.”

Eksodha 35:22

Vavamna ni vavasikati, votshe avale va nga txi ti lava ngu mbilu, va to kombisa, va txi heleketa masinda, singeda, tiphera, tiketani sotshe simaha sa nzalama; mmwani ni mmwani a to maha mningelo wa nzalama, awule a nga wu longisela kuva wa Mkoma.

2 Samuwele 1:24

Anu vanana vamahorana a Israyeli, dilani Sawule! Wule a nga ti ti mi ambeka syambalo so bhilivila so tsakisa, wule a nga tshurisela tinguwo tanu ngu nzalama.

Jobe 28:17

Ngu wutxhari kha yi na kuxavwa nzalama hambi kristali; kambe wutxhari kha wu na kutxitxiswa ngu txiningo txa lisima, txa nzalama yo sefwa.

Ekleziyaste 7:5

I txhuko kuengisa kukawukwa ngu txhari, kupinda kuengisela ndando ya txiphukuphuku.

Ezekhiyele 16:12

Ni ku namekile txingwavila ha thonvuni, ni singeda tinzeveni, ni m'bhoti wa wudhundo ha msungo.