Mavingu 25:11 - Bhiblia Yo Sawuleka

¹¹ Mhaka yo wombwa ngu nzila ya yinene, yi fana ni mihando ya silivhela amu ka txiya txa nzalama.

Mavingu 25:11 Referans Kwoze

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Isaya 50:4

Mkoma Txizimu a ni ningile lidimi lo gondisa, kasi ku ni ziva kuwomba ngu mbimo ya kona, dipswi da dinene ka wule wo karala. Ene wa ni wusa mixo ni mixo, wa ti tula tinzeve kasi ku ni engisa, kufana ni vale va gondako.

Ekleziyaste 12:10

M'gondisi a to lava kumana mapswi o tsakisa; se mibhalo nja yinene, mapswi a ditshuri.

Mavingu 24:26

Mpswopswa ngu txisofu, awule a xamulako mapswi amanene.

Matewu 12:35

M'thu wamnene a humisa sa sinene ngu ka thomba yakwe ya yinene; kasi m'thu wa tshofu, a humisa sobiha ngu ka thomba yakwe yo biha.

Mavingu 25:10

kasi ku asi ku thavisi lisima awule a no kuengisa, yi si khateli kwako nduma yo biha.

1 Samuwele 25:35

Sekoko Dhavhidha a to amukela ngu dianza dakwe sile a nga ta naso, a txi khene kwakwe: Tsula ngu kudikha m'tini kwako; wona taku ni pfite dipswi dako, na kona ni engisile txikombelo txako.

Jobe 4:4

Mapswi ako ma wusile vale va nga wiswa, kambe u tsanisile mazolo o karala.