Mavingu 24:7 - Bhiblia Yo Sawuleka

⁷ Wutxhari wu txitimwi ngutu, kha wu manelwi ngu txiphukuphuku; txi tandeka ni kutula txisofu banzani.

Mavingu 24:7 Referans Kwoze

Mavingu 14:6

Mtseketseli wa lava wutxhari asi wu mani, aniko ka wule wo pfisisa, wuzivi wa hehuka.

Masalmo 10:5

Mithumo yakwe ya nyawula txotshe txikhati. Kulamula kwako, Mkoma, ku txitimwi ngutu kwakwe; ene wa poyilela valala vakwe votshe.

1 Vakorinto 2:14

Nguko m'thu wuwa i ku si nga wa Moya kha na ku engisisa asi i ku sa Moya wa Txizimu, nguko kwakwe timhaka tiya a ti wona i di wupumbu. Ene kha sikoti ku ti engisisa nguko tona ti pimwa ngu mapimiselo a Moya.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Amosi 5:12

Nguko na tiziva taku mbwa wungi wuhambunyeti wanu, sionho sanu nzingi ngutu. Mi xanisa wo lulama, mi tumela kuxawa, mi tshumeta vo mbi na txilo ha txikeni.

Amosi 5:10

Va venga wu a emako ni to lulama habanza, ni kunyenya wu a wombawombako ditshuri.

Isaya 29:21

avale va ningisako mnandu m'thu ka mhaka yokari, avale va riyako mlawu ka wule a kawukako ha txikeni, ni vale va vekako walo didhawa wule wo lulama.

Mavingu 22:22

U nga pele txisiwana, nguko njisiwana, hambi kutsindaveta wule a xaniswako haditimbani.

Mavingu 17:24

Wutxhari i tshungameto ya wule a ku ni mapimo, aniko maso a m'thu wo mbi pfisisa ma hoka magwito ka mafu.

Mavingu 15:24

Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.

Jobe 31:21

mwendo ngu dianza dangu ni pekile wo felwa ngu vaveleki, ngu kuwona wa ku ni lwela ha txikeni,

Jobe 5:4

Vanana va txona va kule ni kuhanyiswa; se va phaphawulelwa sikenini, aniko kha ku nga ni wo va hulukisa.

Masalmo 127:5

A katekile m'thu wu a nga tata msava ngu tingove toneto! Kha na mbi wiswa tingana ngako a txi ti angulela, ni valala vakwe masoni ka valamuli ha phangoni.

Mavingu 17:7

Kuwombawomba kakunene kha ku dingani txiphukuphuku; ngutu-ngutu ka mwanana wa mfumeli kha na kuwombawomba makuhu!

Mavingu 17:16

Ina txiphukuphuku txi nga vhuneka ngu kuxava wutxhari ngu male, na kuve txona kha txi nga ni mapimo kani?

Isaya 32:6

Nguko txiphukuphuku txi womba-womba wuphukuphuku, ni mbilu ya txona yi maha to biha, ni kuthumisa wukanganyisi, kasi kuwombawomba ta walo, to wukela Mkoma, se txi tona muhefemulo wa wule a ku ni nzala, ni kutona mati awu a ku ni ditora.

Mavingu 28:5

Vathu vo biha kha va ti zivi to lulama, kambe avale va xotako Mkoma va ti pima totshe.

Mavingu 31:23

Mwamna wakwe a zivaneka a di ngadi ha txikeni, mbimo yile a khalahatshako ha lirendoni ka madhota a mafu.