Mavingu 24:21 - Bhiblia Yo Sawuleka

²¹ Mwanangu, thava Mkoma, ni mfumeli, kambe u nga ti wulete ka vale va lavako kuwusa kulwa.

Mavingu 24:21 Referans Kwoze

Titosi 3:1

Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,

1 Vafumeli 12:16

Msana ka kuva votshe Vaisrayeli va di ti woni taku mfumeli kha va engisi, vathu va to tshumela ve mxamula ku kha vona: Njiavelo muni hi ku natxo athu ka Dhavhidha kani? Kha hi mani thomba ka mwana Jese. Tsula matendani kwako awe Israyeli! Ninga koko, ka nyumba yako, awe Dhavhidha. Se Israyeli a to tsula matendani kwakwe.

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Eksodha 14:31

Mbimo yi vanana va ka Israyeli va nga wona txitsayiso txa hombe txi Txizimu txi nga txi maha ka Vaegipta, va to thava Mkoma, ve kholwa kwakwe ni ka Mosi txithumi txakwe.

1 Samuwele 24:6

se a to khene ka vathu vakwe: Mkoma a na ni xayise ku ni si maheli nyamne wangu mhaka yiya, ka wule a nga totwa wa Mkoma, ngu kuguleta dianza dangu ni mwukela, nguko mbwo totwa wa Mkoma.

2 Samuwele 18:8

Nguko yimbi yi to fenengeta dotshe ditiko; txitinga txi to lovisa vavangi kupinda vale va nga dawa ngu ditxhari, ka dona ditshiku dile.

1 Vafumeli 1:49

Sekoko, va to dhudhumela ve khukha votshe vale va nga ti rambilwe, va va nga ti ni Adhoniya; mmwani ni mmwani a to teka nzila yakwe.

Mavingu 17:11

M'thu wu i ku wa mazunga a lavetetela to biha; ngu kumaha keto, ku na rumelwa mtumi wo karata kwakwe.

Mavingu 23:17

Mbilu yako yi nga bavele vaonhi; kukhata ninga txithavo ka Mkoma, otshe masiku.