Mavingu 24:20 - Bhiblia Yo Sawuleka

²⁰ Nguko m'bihi kha na mbi va ni hakhelo ni ya yimweyo, kambe dilambu da vo biha di na timeka.

Mavingu 24:20 Referans Kwoze

Mavingu 13:9

Liwoningo la vo lulama la tsakisa, aniko dilambu da vaonhi di na timeka.

Mavingu 20:20

Awule a rukako tate wakwe mwendo mwamwakwe, a na timekelwa ngu dilambu dakwe, se a na zumba ka txidema txa hombe.

Masalmo 11:6

Mkoma a na wisa txitimwi ka vabihi makala o tura, mndilo ni txivavula, a na wuyisa diphuho do hisa. Ngu txona txyavelo txi txi va lumbako.

Jobe 21:17

Nzikhati singani kumahekako ti to me timeka malambu a vaonhi, ku txi ta kwawe kukhudumuswa kwawe kani? Se Txizimu kuhenyani ka txona, txi abana navo kupandiseka!

Judha 1:13

i mavimbi o leva a linene; mithumo yawe ya tingana yi pupuma nga diphutu; ndinyeleti to pepuka ati ti nga lulamiselwa txidema txa hombe txo mbi na magwito.

Matewu 25:8

Atile to divala ti to womba ka tile to txhariha ti txi kha tona: ‘Hi hunguleleni mafura anu, nguko malambu athu ma timeka’.

Matewu 8:12

Kambe vanana va Mfumo va na tshotshwa hahanze mtemani, ahawa ku no va ni tihuwa ni kugegeresela ka makwasa.”

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Mavingu 23:18

Nguko u na va ni magwito amanene; themba yako kha yi na mbi lova.

Masalmo 9:17

Vathu vo biha ni mahedheni, va kanetako Txizimu, magwito awe ngu kuya mndiloni.

Jobe 15:31

A nga thembe ta wugwili wakwe, e ti kanganyisa apune, nguko wukanganisi i nava hakhelo yakwe.

Mavingu 17:20

Awule a ku ni mbilu yo biha, kha na mbi dhuka e mana wunene; se ni wule a ku ni lidimi la wuviyaku, a na wa kubihani.

Mavingu 21:4

Kuwona ko tikulisa, ni mbilu yo ti guleta, njionho txa wo biha.

Masalmo 37:2

nguko va na wilwa kufana ni diphunde va na wuna kufana ni mwasi wo nakana.