Mavingu 24:13 - Bhiblia Yo Sawuleka

¹³ Dyana wulombe mwanangu, nguko mbunene, ni txihesa txa wulombe, txa lombela mkanani kwako.

Mavingu 24:13 Referans Kwoze

Isaya 7:15

A na dya mafura ni wulombe, an'ze kuza e ziva kulamba to biha, e sawula tinene.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Mavingu 25:16

U wu mani wulombe kani? Dyana wo kudingana; kasi ku u si kolwi ngu wona, u tshumela u wu kosa.

Ndando ya Tindando 4:11

Mahesa a wulombe ma khulunga ha txisofu kwako, awe msikati wangu! Wulombe ni masi si hahatshi ka lidimi lako, se kubhumula ka syambalo sako, nga ka Libhanoni.

Masalmo 119:103

Mapswi ako ma tshamba ngutu; ma lombela ngutu kupinda wulombe!

Masalmo 19:10

Milayo ya dhundeka ngutu kupinda nzalama ya ditshuri; ya lombela kupinda wulombe wa mahesa;

Matewu 3:4

Ene Johani a ti ambate tinguwo to mahwa ngu madhowo a makamelu, e sunga libhande la didhowo txiwununi. Sakudya sakwe i ti humbi ni wulombe wa txitinga.

Mavingu 25:27

Kudya ngutu wulombe hi nga ta tinene; ngu konaho, wudhundo wo ti xotela upune hi nga wudhundo.

Mavingu 16:24

Mapswi o maheka dihesa da wulombe: Ma lombela muhefemuloni, me hanyisa marambu.

Mavingu 27:7

M'thu wu a nga khura a kandetela ni dihesa da wulombe, aniko ka nyanzale, sotshe so bava sa lombela.

Valamuli 14:9

Se to teka wulombe ngu manza akwe, e tsimbila a txi dya; se a to ninga tate wakwe ni mame wakwe, va txi dya ni vona, aniko kha va gela ti to a wu mani ha mmidi ka ngonyamo.

1 Samuwele 14:27

Kambe Jonatani kha tipfa mbimo yile tate wakwe a nga xambanya ka vathu, se a to nawuluta tshoka ya donga yile a nga ti nayo manzani, e yi nakanisa ngu amu ka dihesa da wulombe; se a txi wuletisa diwoko mkanani, maso akwe ma to tuleka.