Mavingu 23:7 - Bhiblia Yo Sawuleka

⁷ Nguko a ti a nga ti alakanya, ti mbiluni kwakwe; ene a na kugela ku khene: Dyana kha kwati u sela; na kuve mbilu yakwe kha yi nga ni nawe.

Mavingu 23:7 Referans Kwoze

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Masalmo 55:21

Va womba-womba mapswi o swililika kupinda bhotela, aniko mipimiso yawe nja yimbi; va womba-womba mapswi o tshamba kupinda mtona, kasi ona matxhari o lotwa.

Valamuli 16:15

Sekoko Dhalila a to khene kwakwe: “U nga wombisa kutxani tito: Ni ni lirando ni nawe, na kuve mbilu yako kha yi nga kwangu kani? Se nzikhati siraru u txi ni kanganyisa, kambe khu se ni gela aha wu ku kona mtamo wako.”

Mavingu 19:22

Dibhindu da m'thu ngu tile a ti navelako; kambe txisiwana i txhuko kupinda wa makuhu.

Luka 7:39

Ngako a txi ti wona, mfarisi wu a nga mu dhanela sakudya, a to pimisa mbiluni kwakwe, a txi khene: “Idiku mamowa wo va mprofeti, a ndi na m'ziva wu wamsikati a m'gwesako, ti to i mani, nguko ene njionhi.”

Dhaniyeli 11:27

Kambe vafumelivo vavambidi va na va ni mbilu yo maha kubiha, ni kuwomba makuhu; ene koko kha na mbi kula, nguko magwito ma na zivaneka ngu mbimo ya kona.

Mavingu 26:24

Awule a ku ni livengo a xengisa ngu txisofu txakwe, na kuve mbiluni kwakwe a sisa wukanganyisi.

Mavingu 26:25

A txi kukhongotela ngu mapswi o tshamba, u nga mthembe, nguko mbiluni kwakwe ku ni mtxhanu wa sinyenyeko ni simbidi.

Mavingu 26:23

Txisofu txo hinda, ni mbilu yo biha, si fana ni txikandyana txo nameketelwa silivhela.