Mavingu 23:34 - Bhiblia Yo Sawuleka

³⁴ U na nga m'thu wo otela hagari ka linene, hambi ku nga wule a nga otela tshokani ka phande

Mavingu 23:34 Referans Kwoze

Luka 21:34

“Kambe ti woneleni, kasiku timbilu tanu ti si thuki ti nemelwa ngu kwa mbi ti pimela, ni wudevi, ni kuvilela ngu sa wutomi wuwa, ti to ditshikudo di si mi ñoli ngu txidhukisa,

Matewu 24:38

Ka masiku ale, ku sinzi kumaheka ndambi, va ti ti dya ve sela, va txi teka ni kutekwa, kala ka ditshiku di Nowa a nga wulela mu ka ngalava;

Joyeli 1:5

Vhumukani anu madevi, mi dila; pekani huwa motshenu mi selako vhinya, ngu mhaka ya vhinya ya yiphya nguko ya thaviswa mkanani kwanu.

1 Vafumeli 16:9

Se txithumi txa kona Ziniri, mthangeli wa hafu ya sikotxikani, a to m'wukela na a di Tiriza. A txi sela ni kuleva m'tini ka Arisa, mxayisi wa nyumba ya wukoma kona Tiriza.

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

Eksodha 15:8

Ngu kufuteta ka moya wako mati a linene ma to abaneka; mavimbi ma to ema ma txi maha maguma; mati ale ma khulungako ma to ema ma txi banga.

Mavingu 23:33

Maso ako ma na wonetela vavasikati vavane, se mbilu yako yi na womba-womba wubihi.

Mavingu 23:35

se u na khawe: Va ni balisete, aniko kha na kupfa kupanda; va ni pekile, kambe ni ya tipfa; ni na wuka yihi mbimo kani? Ni na tsula niya yi lava kambe.

Mavingu 31:4

Hi nga tona ka vafumeli, awe Lemuweli, hi nga tona ka vafumeli kusela vhinya, hambi ka madhota kunavela so sela sa mtamo.