Mavingu 23:30 - Bhiblia Yo Sawuleka

³⁰ Ngu vale va zumbako kuselani ka vhinya, vale va tsimbilako ve lava wusuke wo patelwa.

Mavingu 23:30 Referans Kwoze

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

Isaya 5:11

Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.

Mavingu 20:1

Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

Mavingu 9:2

Se wutxhari wu date sifuyo sa wona, wu patete vhinya ya wona, kambe wu lulamisete meza ya wona.

Masalmo 75:8

Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Amosi 6:6

Mi selako vhinya ngu magombe, mi tola mafura a lisima, kambe mi ka pandiseki ngu ku wa ka Josefa:

Genesisi 9:21

Kambe a to sela vhinya e leva, eza eya otela a sa ambala txilo, mu ditendani kwakwe.

1 Samuwele 25:36

Mbimo yile Abhigayeli a nga wuya ka Nabhali, a to mana taku m'tini kwakwe ku ni m'buso wa hombe, wo fana ni m'buso wa mfumeli; se mbilu ya Nabhali yi ti ti tsakile ngutu, a di levile ngutu, aha koza asi m'gela txilo kala ni mixo.

Mavingu 23:20

U nga maneke hagari ka vaseli va vhinya, hambi hagari ka vathu va txinyamanyama.

Isaya 28:7

Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.