Mavingu 23:24 - Bhiblia Yo Sawuleka

²⁴ Tate wa m'thu wo lulama a na tsaka ngutu, ni wule a velekako txhari, a na yi tsakela.

Mavingu 23:24 Referans Kwoze

Mavingu 10:1

Ndiya Mavingu a Solomoni. Mwanana wo txhariha a tsakisa tate wakwe, aniko mwanana wu i ku txiphukuphuku i xomulo ka mwamwakwe.

Mavingu 15:20

Mwanana wo txhariha a tsakisa tate wakwe, aniko m'thu wo mbi engisa mlayo a eyisa mwamwakwe.

Mavingu 29:3

M'thu wule a randako wutxhari, a tsakisa tate wakwe, kambe mngana wa magelegele, wa xakela thomba.

Filimoni 1:20

Ina, mwanathu, ni na mane kutsakiswa ngu ngawe ka Mkoma. Thavelela mbilu yangu ngu ka Kristu.

Filimoni 1:9

ni randa kumaha ngu ku kukombela ngu lirando. Ani Paulo, wo kumba nga tiya, na kambe ni di ku khotelwani konkuwa ngu mhaka ya lirando la Jesu Kristu,

Ekleziyaste 2:19

Se i mani a ti zivako ti to m'thuyo i nava txhari mwendo txiphukuphuku kani? Hambi keto, ene a na fumela wotshe m'thumo wangu, wule ni nga wu maha, ni wutxhari wule ni nga nigwa hahatshi ka ditambo; eto ni tona mbukanyganyisi.

1 Vafumeli 2:9

Se konkuwa u nga mmahe wo mbi na mnandu, nguko u m'thu u zivako, u na tiziva ati u no mmahela, kasi ku na za wunvi wakwe wu txi na reletwa diphalani ni mnoha.

1 Vafumeli 1:48

Se mfumeli a to womba kambe, a txi khene: “A na bongwe Mkoma, Txizimu txa ka Israyeli, nguko nyamsi a hi ningile wu a khalahatshako txikhaloni kwangu ka wukoma, niku maso angu ma nga ti wona.”

Mavingu 27:11

Txhariha mwanangu, u tsakisa mbilu yangu, kasiku ni mana txokari txo xamula ka wule a no ni txhipisa.