Mavingu 23:23 - Bhiblia Yo Sawuleka

²³ Xava wunene, aniko u nga wu xavise; ina, wutxhari, gondo, ni kupimisisa.

Mavingu 23:23 Referans Kwoze

Mavingu 18:15

Mbilu ya txhari ya mana wuzivi, se nzeve ya titxhari ya mana wuzivi.

Matewu 13:44

“Mfumo wa nzumani wu fana ni txuma txi txi nga siswa thembweni kokari, txuma txi m'thu a nga txi tumbula, se e engeta e txi sisa. Kambe kutsakani kwakwe, a to tsula eya xavisa sotshe si a ku naso e xava thembwe yile.

Masalmo 119:72

Mlayo wu u nga ni ninga, kwangu wu ni lisima ngutu kupinda tithomba tatingi ta nzalama mwendo ta silivhela.

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Vahebheru 11:26

Ene a woni kuxaniswa ka Kristu ku di ni lisima ngutu, kupinda tithomba ta Egipta, nguko, ene a ti rinzela kuamukela hakhelo.

Isaya 55:1

Anu motshenu mi ku ni ditora, ngonani matini, ni nanu mi singako ni male, ngonani mi ta xava, mi dya; Ina, ngonani mi ta xava, mi si nga ni male, mi si nga ni mtengo, vhinya ni masi.

Mavingu 10:1

Ndiya Mavingu a Solomoni. Mwanana wo txhariha a tsakisa tate wakwe, aniko mwanana wu i ku txiphukuphuku i xomulo ka mwamwakwe.

Masalmo 119:127

Ngu toneto, na randa ngutu milayo yako, kupinda nzalama ya yinene ngutu.

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Matewu 13:46

Se a di mani dhayimana yimweyo ya dibhindu da hombe, a to tsula eya xavisa sotshe si a ku naso, kasi ku ta yi xava.”

Mavingu 17:16

Ina txiphukuphuku txi nga vhuneka ngu kuxava wutxhari ngu male, na kuve txona kha txi nga ni mapimo kani?

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Mithumo 20:23

aniko Moya wo Sawuleka wa ni fakazela ka didhoropa ni didhoropa, ti to ni rinzelwa ngu tingomondo ni sixaniso.

Mavingu 9:8

U nga kawuke mtseketseli, kasi ku asi ku vengi; kawuka txhari, yi na kuranda.