Mavingu 23:22 - Bhiblia Yo Sawuleka

²² Engisa tate wako wule a nga kuveleka, kambe u nga txhipise mwamwako mbimo yile a no kumba.

Mavingu 23:22 Referans Kwoze

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Mavingu 1:8

Mwanangu, engisa gondo ya tate wako, kambe u nga leke sileleto sa mwamwako.

Mavingu 6:20

Mwanangu, vekisa txirumo txa tate wako, kambe u nga leke mlayo wa mwamwako.

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Marku 7:10

Nguko Mosi a ti khene: ‘Thava tate wako ni mame wako’, ni ku khene: ‘Awu a rukako tate wakwe ni mame wakwe, a na dawe efa.’

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Levhi 19:32

Khukha u txi ema, u komba txithawo ka wule a ku ni msungo wa wunvi, u txi xonipa m'thu wule i ku wa hombe. Thava Txizimu txako: Ani ngani Mkoma.

Mavingu 15:20

Mwanana wo txhariha a tsakisa tate wakwe, aniko m'thu wo mbi engisa mlayo a eyisa mwamwakwe.