Mavingu 22:4 - Bhiblia Yo Sawuleka

⁴ Hakhelo ya kutinamisa ni kuthava Mkoma, ndithomba, ni wudhundo, ni wutomi.

Mavingu 22:4 Referans Kwoze

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Jakobe 4:10

Ti vekeni hahatshi masoni ka Mkoma, se ene a na mi guleta.

Mavingu 21:21

Wule a londetako kululama ni wunene, a na mana wutomi, kululama ni kudhundeka.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Mavingu 3:16

Kuengetelwa ka masiku ku ka dianza da txinene da wutxhari; ka da txibhabha kumaneka tithomba ni kudhundeka.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Mavingu 21:20

Thomba ya yinene ni mafura siho nyumbani ka txhari, aniko wamwamna wo mbi pfisisa wa yi hangalasa.

Mavingu 22:3

Wo pfisisa wa wona phango e sisala; aniko avale vo divala va pinda ngu kona ve xaniswa.

Mavingu 22:5

Nzilani ka wo biha ku ni mipa ni milawu, awu a xayisako dihika dakwe, asi rethela kule.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Mavingu 31:30

Kutshura ka kanganyisa, kambe kona kutshura ngutu mbukanganyisi, aniko msikati wule a thavako Mkoma, eyo a na dhundwa.

Dhaniyeli 4:36

Mbimo yoneyo, mapimo angu ma to wuya, amu ka wudhumo wa mfumo wangu, wu to tshumela wu wuya wuhombe wangu ni kuphatima kwangu; se vathangeli vangu ni vahombe vangu va tota ni lava, aniko ni tshumetelwa ka mfumo wangu, ni wudhumo wangu wu to engetelwa.

Mavingu 19:23

Kuthava Mkoma ka yisa kuhanyani; awule a mthavako a na enelelwa, kambe kha na mbi telwa ngu dikhombo ni da dimwedo.