Mavingu 22:29 - Bhiblia Yo Sawuleka

²⁹ U woni m'thu wa mapimo mbimo yile a thumako kani? A na vekwa masoni ka vafumeli; kha na mbi vekwa ka vathu va hahatshi.

Mavingu 22:29 Referans Kwoze

1 Vafumeli 11:28

Se wamwamneyo Jerobhowamu, i ti dijaha da ndena; mbimo yi a nga wona dijahedo Solomoni, i nga ti wo thuma, a to m'veka txitimwi ka wotshe mthumo wa nyumba ya ka Josefa.

Matewu 25:21

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Mavingu 12:24

Manza a vale va wunene ma na thangela vamwani, aniko vakanganyisi va na va sithumi.

Mavingu 10:4

Awule a thumako ngu manza o kanganyisa wa maha txisiwana, aniko wa nonisa manza a vale va pfisisako.

Matewu 25:23

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Genesisi 41:46

Josefa a ti ti ni tanga ya magumi mararu a malembe, mbimo yi a nga ya maneka masoni ka Faro, mfumeli wa ditiko da Egipta. Se a to khukha Josefa masoni ka Faro, e tsimbila-tsimbila ka dotshe ditiko da Egipta.

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

1 Vafumeli 10:8

Va katekile vavamna va u ku navo, va katekile vathumi vako avale yotshe mbimo va ku masoni kwako, va pfisisako wutxhari wako!

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

Genesisi 47:6

Ditiko da Egipta di mtamoni kwako: Akisa tate wako ni vananu, ka wukhalo wa wunene. Va na ake ditikoni ka Goxeni. Se ngako, u txi ziva ti to hagari kwawe ku ni vavamna va mtamo, u na va veka ve maha vahombe va mitxhambi ya sifuyo sangu.”

1 Samuwele 16:21

Kambe Dhavhidha a to ta ka Sawule, e ta ema masoni ka Sawule, se ene a to mtsakela ngutu; se a to maha mrwali wa matxhari akwe.

Mavingu 23:1

Mbimo yile u khalahatshako udya kumweko ni mfumeli, wonisisa kha kwati sile si ku masoni kwako;

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

1 Samuwele 17:31

Se va di pfite mapswi ale Dhavhidha a nga ma womba, va to ya gela Sawule, aniko a to rumela ku veya mteka.

2 Samuwele 2:32

Se va to teka Asayeli veya mtshotsha mathithani ka tate wakwe, di nga ti ti maneka Bhetlehema; kambe Jowabhi ni vavamna vakwe va to tsimbila wotshe wusiku wule, se di va txela va di Hebroni.

1 Makronika 4:23

Avava i ti ti vawumbi, va nga ti zumba tithembweni; va ti zumba koneyo kumweko ni mfumeli, va txi mthumela.

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.

Dhaniyeli 1:19

Se mfumeli a to womba-womba navo, hagari kwawe votshe kha kwa maneka vamwani vo fana ni Dhaniyeli, Hananiya, Misayeli ni Azariya; ngu kumaha keto, va to ningwa kuthumela mfumeli.