Mavingu 22:23 - Bhiblia Yo Sawuleka

²³ Nguko Mkoma a na emela mhaka ya mxaniseki kulamulwani, kambe a na thavisa wutomi wa vale va va pelako.

Mavingu 22:23 Referans Kwoze

Masalmo 140:12

Na tiziva ti to Mkoma, na emela mhaka ya wule wo tsindavetwa kumweko ni madingano a txikulungu.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Mavingu 23:11

nguko Mtiruli wawe mbwa mtamo; ene a na va emela, se awe e kuwukela.

Jeremiya 51:36

Se a nje khene kha Mkoma: Wona ti to ni na emela mhaka yako, ni na pharela ngu kupharela ko dinganawe; ni na omisa linene lako, ni na maha ti to me guma mati a kona.

1 Samuwele 25:39

Se mbimo yile Dhavhidha a nga pfa ti to Nabhali a fite, a to khene: Ku na bongwe Mkoma a nga vhikela dianza da txithumi txakwe kumaha wubihi ka Nabhali, a tsivete txithumi txakwe ka wubihi, kambe Mkoma a mahile ti to wubihi wa Nabhali wu tshumelela txitimwi ka msungo wakwe. Se Dhavhidha a to ruma vathu ka Abhigayeli kuya mteka ti to e maha msikati wakwe.

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Mika 7:9

Ni na xaniswa ngu kuhenya ka Mkoma, nguko ni mu onhete, kala kuza e lamula mhaka yangu, e ni mahela madingano angu, ene a na ni wuyisa kuwonekelani, se ani ni na wona kululama kwakwe.

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Masalmo 68:5

Txizimu txi zumbako mu Dithepeleni ka txona ko sawuleka, i tate wa sikulungu, kambe m'vhikeli wa tinoni.

Masalmo 35:1

Mkoma, abanisa avale va ni mangalelako; u txi lwa ni vale va ni lwisako.

1 Samuwele 24:12

Mkoma a na lamule hagari kwangu ni nawe, ni ku ni photela kwako; kambe dianza dangu kha di na mbi kuwukela.

1 Samuwele 24:15

Kambe Mkoma a na va mlamuli, a na lamula hagari kwangu ni nawe, a na ni wona, e xolisisa mhaka yangu, se a na ni hulukisa manzani kwako.

Eksodha 22:22

Mi nga xupheni noni ni ya yimweyo, hambi wo felwa ngu vaveleki.

Eksodha 22:23

Se ngako ngu mamahelo okari mi txi va xupha, vona va txi dila kwangu, ani ngu ditshuri ni na engisa huwa yawe,

Masalmo 12:6

Mapswi a Mkoma i mapswi a ditshuri, ngu nga silivhela ya ditshuri, ayi yi nga basiswa nyundoni mtxhanu wa sikhati ni simbidi.

Masalmo 103:6

Mkoma wa vhikela ngu kululama votshe vale va xaniswako.

Masalmo 140:13

Ngu toneto, vathu va kululama va na dhumisa ditina dako; vathu va ditshuri va na zumba masoni kwako.

Mavingu 21:7

Wulala wa vabihi wu gwita ngu ku va lovisa, nguko vona va lamba kumaha kululama.

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.