Mavingu 22:1 - Bhiblia Yo Sawuleka

¹ Ditina da dinene da dhundeka ngutu, kupinda tithomba tatingi; ni wunene i txhuko kupinda nzalama.

Mavingu 22:1 Referans Kwoze

Ekleziyaste 7:1

Ndinene kuva ni nduma ya yinene, kupinda mafura o bhumula; ni ditshiku da kufa kupinda ditshiku da kuvelekwa ka m'thu.

Luka 10:20

Kambe, mi nga tsakeni ngu kuva mimoya yi mi thava, aniko tsakani nguko matina anu ma bhatwe nzumani.”

1 Vafumeli 1:47

Se sithumi sa mfumeli si tile si ta tsakela nyamne wathu, mfumeli Dhavhidha, si txi kha sona: Txizimu txako txi na mahe ditina da Solomoni dive da txhuko kupinda dako; kambe mfumo wakwe wu na mahe wa hombe kupinda wako. Se mfumeli a to nama ha m'bhedhuni kwakwe.

Vafilipiya 4:3

Na ku kombela nawe Siziku, mngana wangu wo thembeka ti to u txi va vhuna vamame va va nga lwa kumweko ni nani ka mhaka ya Evhangeli, va di ni Klemente ni vamwani vathumi kulothu, ava matina awe ma nga bhalwa dibhukuni ka wutomi.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Vahebheru 11:39

Aniko, votshe vathu vava, hambiko va nga mahelwa wufakazi wa wunene ngu mhaka ya kukholwa kwawe, kha va mana asi va nga ti thembisilwe kuamukela sona.

Mavingu 10:7

Ku alakanywa ka wo lulama ku katekile, aniko ditina da vaonhi di na sina.