Mavingu 21:25 - Bhiblia Yo Sawuleka

²⁵ Maalakanyo a mkara ma m'daya, nguko manza akwe ma lamba kuthuma.

Mavingu 21:25 Referans Kwoze

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Mavingu 12:24

Manza a vale va wunene ma na thangela vamwani, aniko vakanganyisi va na va sithumi.

Matewu 25:26

Nyamne wakwe, a txi mu angula, a to khene: ‘Txithumi txa tshofu, txa mkara!’ U ti zivile ta ku ani na elula amuwa ni nga mbi phaya, ni sengeleta amuwa ni nga mbi xwaya.

Mavingu 26:16

Txiphukuphuku txi ti wona txi di txharihile ngutu, kupinda mtxhanu wa vavamna ni vambidi vo xamula ta tinene.

Mavingu 19:24

Mkara wa sisa dianza hammidi; e tandeka ni ku di yisa mkanani.

Mavingu 15:19

Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.

Mavingu 12:27

M'thu wu i ku mkara a tandeka ni kubawula txile a nga daya, aniko thomba ya yinene ya m'thu ngu wunene.

Mavingu 20:4

Mkara kha dima ngu mbimo ya wuxika, ngu kumaha keto, ngu mbimo yo funyela a na kombela, aniko kha na mbi amukela txilo.

Mavingu 26:13

Mkara a khene: Ku ni ngonyamo hanzila; ku ni ngonyamo digondoni.

Mavingu 22:13

Mkara a khene: Hahanze ku ni ngonyamo; ni txo huma ni na ya dawa tinzilani.

Joxuwa 7:3

Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”