Mavingu 21:21 - Bhiblia Yo Sawuleka

²¹ Wule a londetako kululama ni wunene, a na mana wutomi, kululama ni kudhundeka.

Mavingu 21:21 Referans Kwoze

Matewu 5:6

Va katekile ava va ku ni nzala ni ditora da wululami, nguko va na khuriswa!

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Mavingu 22:4

Hakhelo ya kutinamisa ni kuthava Mkoma, ndithomba, ni wudhundo, ni wutomi.

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

Mavingu 15:9

Nzila ya muonhi njinyenyeko ka Mkoma, aniko ene a randa wule a tsimbilako ngu kululama.

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

Isaya 51:1

Ni engiseni anu mi londetako wululamo, anu mi lavako Mkoma; wonani ka dirigwi di mi nga huma ka dona, ni ka phako ya txisima txi mi nga humiswa ka txona.

1 Pedro 1:7

kufela ku lisima la likholo lanu, i ku tximaha txa lisima kupinda nzalama, yi yi nyivilikiswako ngu mndilo, li mana wudhumo ni kupfaliswa, mbimo yi a nota Jesu Kristu, a txi ta ti wonekisa;

Varoma 14:19

Ngu konaho, he xoteni kumaha ati ti vangako kudikha ni ti ti hi akako amu ka likholo.

1 Vatesalonika 5:21

Kambe wonisisani sotshe, mi ñolisisa asi i ku sa sinene.

Vafilipiya 3:12

Hi nga ti to ni hetile mthumo, mwendo kumana wusawuleki, aniko na khutala ni txi ya masoni ka nzila yangu, kasiku mwendo ni nga mana kuhetiseka, nga ti nani ni nga manwa ngu Kristu Jesu.

Hoseya 6:3

A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.

Mavingu 3:22

nguko si na maha wutomi wa dihika dako, ni tikatekiso mkoloni kwako.

Masalmo 112:4

M'thu wo lulama a fana ni liwoningo li woningako txidemani; ene ana ni wuxinji, ni wumbilu, ni wunene.

Mavingu 10:16

Mithumo ya m'thu wo lulama yi myisa kuhanyani, simaho sa muonhi si myisa kuonhani.

Mavingu 11:19

Nga kule wululamo wu yisako kuhanyani, ngu toneto awule a londisako to biha wa ti yisa kufani.