Mavingu 21:20 - Bhiblia Yo Sawuleka

²⁰ Thomba ya yinene ni mafura siho nyumbani ka txhari, aniko wamwamna wo mbi pfisisa wa yi hangalasa.

Mavingu 21:20 Referans Kwoze

Masalmo 112:3

Mtini kwawe ku na tala ngu kupfuna ni tithomba kuhumelela kwawe ku na simama kala kupinduka.

Ekleziyaste 5:19

Se ka m'thu wule Txizimu txi nga mninga tithomba ni mipeto, ni mtamo wa ku tidya, a txi teka txyavelo txakwe, e ti tsakela ngu mthumo wakwe, etxo njiningo txa Txizimu.

Ekleziyaste 7:11

Wutxhari mbunene kufana ni thomba, ka wona va mana txokari avale va wonako ditambo.

Mavingu 15:6

Nyumbani ka m'thu wo lulama, kumaneka thomba ya hombe, aniko ka mihando ya muonhi ku ni ku khulumeteka.

Mavingu 10:22

Txikatekiso txa Mkoma ngu txona txi ningako thomba ka m'thu, kambe ene kha na kuengetela txilo.

Luka 16:1

Ene a wombile kambe ka vagondiswa vakwe txidinganiso txiya: “Ku ti ni wamwamna wokari wa tithomba, a nga ti ni mxayisi wa m'ti wakwe. Se mamoyo a to mangalelwa masoni ka nyamne wa tithomba, va txi kha vona wa hangalasela thomba yakwe.

Luka 15:14

Ngako a di hetile kudya sotshe, ku to humelela nzala ya hombe ditikoni mule, se ene a txi khata kupfa wusiwana.

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

Luka 6:45

M'thu wamnene a humisa sa sinene ngu ka txuma txa txinene txa mbilu yakwe. Aniko m'thu wa tshofu, ngu ka txuma txa tshofu ya mbilu yakwe, a humisa so biha, nguko txisofu txa m'thu txi womba-womba ngu tile ti nga tala mbiluni.”

Matewu 25:8

Atile to divala ti to womba ka tile to txhariha ti txi kha tona: ‘Hi hunguleleni mafura anu, nguko malambu athu ma timeka’.

Jeremiya 41:8

Aniko hagari kwawe ku to maneka digumi da vavamna va nga kha vona: Mi nga hi dayeni, hi ni tithomba hi nga sisa hahanze, fulaho ni sevhadha, mafura ni wulombe. Ngu kota ya toneto, a to va leka, kha va daya nga ti a nga maha ka maxaka awe.

Ekleziyaste 10:19

Vathu va rambana kasi ku ta tsaka, ni vhinya yi tsakisa kuhanya, kambe sotshe si manwa ngu male.

Jobe 20:18

A na tshumeta mihando ya mithumo yakwe, kha na mbi yi mita; madingano ni mtamo wa kutxitxa kwakwe, kha na mbi tsaka,

Jobe 20:15

A mitile tithomba, aniko a na ti kosa; Txizimu txi na si humisa ngu mndani kwakwe.

Mavingu 8:21

Kasi kumaha ti taku avale va ni randako, ve mana thomba ya kwa mbi guma, ve tata sisangala sawe.

Mavingu 14:24

M'bhoti wa titxhari ngu thomba yawe, wuphukuphuku wa siphukuphuku ngu wuphukuphuku wa sona.

Mavingu 22:4

Hakhelo ya kutinamisa ni kuthava Mkoma, ndithomba, ni wudhundo, ni wutomi.