Mavingu 21:2 - Bhiblia Yo Sawuleka

² Yotshe nzila yi lulamile masoni ka m'thu, aniko Mkoma a wona timbiluni.

Mavingu 21:2 Referans Kwoze

Mavingu 16:2

Tinzila ta m'thu ti basile masoni kwakwe ene nyamne, aniko Mkoma a kala mimoya.

Mavingu 16:25

Ku ni nzila yile yi ku nga njinene ka m'thu, aniko magwito akwe ngu tinzila ta lifo.

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Jeremiya 17:10

Ani Mkoma ni xola mbilu, ni xola mapimo; ni ninga ka mmwani ni mmwani, madingano ni mahanyelo akwe, madingano ni mihando ya mithumo yakwe.

Mavingu 30:12

Ku ni liveleko li ti wonako li di sawulekile, na kuve kha li zivi ka nga kuwulwa kubihani ka lona.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Mavingu 24:12

Ngako u txi khawe: Kha hi ti zivi; ina awule a xolako timbilu, kha na mbi ti tumbula kani?

Jakobe 1:22

Aniko, mahani valondeteli va dipswi, mi nga ti maheni vaengisi va dona dwe, nguko eto mo ti kanganyisa mipune.

Masalmo 36:2

Ene apune a ti wona i di wamnene ngutu, kasiku asi woni txionho txakwe, e txi nyenya.

Vagalatiya 6:3

Nguko, ngako m'thu a txi pimisa ti to njilo, na i si nga txilo, wo ti xenga apune.

Mavingu 20:6

Hagari ka vathu mmweyo ni mmweyo a pfalisa wunene wakwe; kambe i mani a nga mmanako m'thu wo thembeka kani?

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Mavingu 12:15

Txiphukuphuku txi ti wona txi di ka nzila ya yinene, aniko awule a engisako sileleto a txharihile.

Jobe 31:6

(Txizimu txi na ni veke sikaloni ko lulama, se txi na ziva kuthembeka kwangu);

Mavingu 17:3

Nyundo njo xola silivhela, se mndilo mbwo xola nzalama; kambe Mkoma a xola timbilu.

Dhaniyeli 5:27

Tekele: U pimilwe ha txikaloni, se u maneka u txi hehuka.