Mavingu 21:10 - Bhiblia Yo Sawuleka

¹⁰ Dihika da wo biha, di alakanyela kubiha; muakelani wakwe ka tsakisi masoni kwakwe.

Mavingu 21:10 Referans Kwoze

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

Mavingu 3:29

U nga pimisele to biha ngu mwakelani wako, nguko a zumba ni nawe ngu kuthembeka.

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

1 Vakorinto 10:6

Totshe timhaka tiya njikombiso kwathu, kasiku hi si naveli simaha so biha, nga ti ni vona va nga navela.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Mavingu 12:12

Muonhi a navela sile si hanyisako vo biha, aniko m'twi wa vo lulama wa ninga mihando ya wona.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Mavingu 2:14

va tsakiswako ngu kumaha to biha, kambe va hefemula wuonhi wa vobiha,

Mavingu 14:21

Awule a txhipisako muakelani wa onha, aniko awule a xanisekelako sisiwana a katekile.

Mavingu 21:9

I txhuko kuzumba likasani ko tutelwa, kupinda kuzumba hagari ka nyumba ni msikati wo karata.