Mavingu 21:1 - Bhiblia Yo Sawuleka

¹ Mbilu ya mfumeli manzani ka Mkoma, yi fana ni txinambwana txa mati; yi maha totshe ti ene a ti lavako.

Mavingu 21:1 Referans Kwoze

Mavingu 16:9

M'thu a londisa nzila ya mbilu yakwe, kambe matsimbilelo a kona a kombwa ngu Mkoma.

Mavingu 20:24

Mazambo a m'thu ma tsimbitiswa ngu Mkoma; sekoko m'thu a nga yi zivisa kutxani nzila yakwe apune kani?

Ezra 6:22

Se va to maha m'buso wa Mapawu o mbi Tshumbelwa, mndani ka mtxhanu wa masiku ni mbambidi, ngu kutsaka, nguko Mkoma a ti va tsakisile, na kambe a ti phemberusile mbilu ya mfumeli wa Asiriya e va dhunda, ni kutsanisa manza awe ka mthumo wa Nyumba ya Txizimu, Txizimu txa ka Israyeli.

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Mavingu 16:1

Kulongisela kuhuma mbiluni ka m'thu, aniko xamulo yita ngu txisofuni ka Mkoma.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Masalmo 106:46

Ngu toneto, a mahile ti to va ka Israyeli ve pfelwa wusiwana ngu vale va nga va maha tikhumbi.

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Masalmo 105:25

Txi mahile ti to Vaegipta ve venga vathu va txona ve fumela ngu tshofu vathumi va txona.

Nehemiya 2:4

Sekoko mfumeli a to khene kwangu: U kombela txani konkuwa kani? Sekoko ni to khongela ka Txizimu txa nzumani,

Nehemiya 1:11

O! Mkoma, ti na pfisise koko tinzeve tako mkombelo wa txithumi txako, ni mkombelo wa sithumi sako si si thavako ditina dako; humelelisa txithumi txako nyamsi, u txi ninga kukateka masoni ka wamwamna wuwa. Sekoko ani ni ti ti mtheleli wa sa kusela sa mfumeli.

Masalmo 74:15

U khulongisile sisima ni milonga u txi womisa minambo ya mati a mtamo.

Isaya 44:27

ni ku khani ka kutshima: Phwana! Se ani ni na phywisa minambo yako;

Masalmo 93:4

Aniko awe, Mkoma, u ku Nyatxitimwi, u wa mtamo ngutu kupinda kudhuma ka mati; u ni mtamo ngutu kupinda mavimbi a linene.

Mtuletelo 16:12

Ngelozi ya wutxhanu ni yimweyo yi to theketa digombe da yona txitimwi ka mnambo wa hombe wa Ewufrate, se mati a mnambo ma to phwa me tulela nzila vakoma va Wutxani.

Mtuletelo 16:4

Ngelozi ya wuraru yi to theketa digombe da yona minamboni ni sisimani. Se sona si hinduka si maha mnoha.

Masalmo 114:5

Awe linene, nji txani txi ku mahako u tutuma kani? Awe Jordhani, ngu kutxani u tshumelela msana kani?

Masalmo 114:3

Mbimo yi linene li nga oma, li to thava se mnambo wa Jordhani wu tshumelela msana.

Jeremiya 39:12

Mteke, u txi mxayisa, u nga dhuke u txi mmahela kubiha; aniko mmahele ti a no kugela.

Eksodha 7:3

Aniko ani koko, ni na bangisa mbilu ya Faro, kambe ni na andisa mu ditikoni ka Egipta sikombiso sangu ni sidiwukiso sangu.

2 Vafumeli 19:33

Nzila yile a nota ngu yona, a na tshumela ngu yona, sekoko kha na mbi nga wulela ka diya didhoropa, kuwomba Mkoma.

Ezra 1:1

Ka dilembe do khata da Siro, mfumeli wa Persiya (kuva di txi na tatiseka dipswi da Mkoma ngu txisofu txa Jeremiya), Mkoma a to wusa moya wa Siro, mfumeli wa Persiya, a nga kwangula ka dotshe ditiko dakwe, kumweko ni kubhala, a txi khene:

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Nehemiya 2:8

ni papilo yo ya ka Asafe, muwoneleli wa thembwe ya mfumeli, kasi ku a na ni ninga tiphande to aka ngu tona sike sa mkhokhola, ni ta diguma da didhoropa, ni ta nyumba yi ani ni no zumba ka yona. Se mfumeli a to ni ninga, madingano ni wunene wa dianza da Txizimu, txitimwi kwangu.

Esteri 2:17

Se mfumeli a to randa Esteri kupinda votshe vavasikati, aniko ene a to mana dithomo ni dikato masoni kwakwe, kupinda otshe mahorana o tuma; se a to sanzeka m'bhoti wa wukoma ha msungo ka Esteri, e mmaha mfumeli wa txisikati ka wukhalo wa Vhasta.