Mavingu 20:6 - Bhiblia Yo Sawuleka

⁶ Hagari ka vathu mmweyo ni mmweyo a pfalisa wunene wakwe; kambe i mani a nga mmanako m'thu wo thembeka kani?

Mavingu 20:6 Referans Kwoze

Masalmo 12:1

Hi hanyise, Mkoma, nguko vathu vo lulama va gumile kha ku nga ho vathu vo thembeka hagari ka vanana va vathu.

Matewu 6:2

“Ngu konaho, ngako u txi ha sisiwana, u nga thuke u txi veta mpundu masoni kwako, nga ti va mahako vaxengeteli masinagogani ni tinzilani, kasiku ve dhumiswa ngu vathu. Kha ditshuri ni khani kwanu: Va amukete ditshungulo dawe.

Luka 18:8

Na mi gela ti to Txizimu txi na kuluveta ku va lamulela. Kambe mbimo yi a no wuya Mwanana wa M'thu, ina a nata mana likholo ha mafuni, kani?”

Luka 22:33

Ene a to womba a txi khene: “Mkoma ani ni ti longisete kutsula ku khotelwani kumweko ni nawe, hambi kuya kufani.”

Luka 18:11

Mfarisi a di emile, a txi khongelisa tiya khanani kwakwe: ‘Txizimu, na ku bonga, nguko kha ni fanani ni vamwani vathu, i ku makhamba, sidambu, ni vamahi va wugango; kambe hambi mkhupisi wuwa kha ni fanani nayo.

Mavingu 27:2

Dhundwa ngu mmwani, na i si nga ngu txisofu txako, mmwani m'thu na i si nga txisofu txako.

Mavingu 25:14

M'thu wule a ti dhundako ngu wuha wa makuhu, a fana ni hunguva ni moya ya kwa mbi nisa mati.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

2 Vakorinto 12:11

Ni ti mahile diphuphulu! Anu nganu mi nga ni kurumeta kumaha eto. Anu nganu mi nga ti fanete ku ni dhumisa. Nguko, kuwalo ni txilo txa tximwetxo va nga ni pala ngu txona “Vapostolivo vawe va hombe.”

Johani 1:47

Jesu a to wona Nathaniyele a txi mu tela, se e womba ngu ngene, a txi khene: “Ndiyo Muisrayeli wa ditshuri, awu kwakwe, ku kuwalo kukanganyisa.”

Luka 18:28

Se Pedro a nje khene: “Hi nga wona, hi lekile sotshe, hi kulondisa.”

Mika 7:2

Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Ekleziyaste 7:28

txivangelo txi txi ku ngadi txi xotwa ngu moya wangu, kha na txi mana; hagari ka 1.000 wa vavamna, ni to mana mmweyo, aniko hagari ka votshe vavasikati vava, kha na mana ni wammweyo.

Mavingu 20:5

Silayelo mbiluni ka m'thu, si fana ni mati o mita; kambe m'thu wa mapimo, a na ma kota kuretha.

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.