Mavingu 20:3 - Bhiblia Yo Sawuleka

³ Wa dhundeka m'thu wule a vayilelako mazunga.

Mavingu 20:3 Referans Kwoze

Mavingu 16:32

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

Mavingu 19:11

Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Jakobe 4:1

Ti ta ngu hani tiyimbi, mata ngu hani mazunga hagari kwanu, kani? Ina kha si mahwi ngu timbiti ta minavelo yo biha, ayi sihango sa mmidi wanu si lewako ngu yona, kani?

Mavingu 18:6

Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.

Jakobe 3:14

Aniko, ngako mi di ni wukhuxu wo bava ni moya wo ti randa mipune timbiluni kwanu, mi nga ti kuliseni, kambe mi nga wombeni makuhu o kaneta ditshuri,

Mavingu 21:24

M'thu wa matshanza ni kutikulisa, ditina dakwe ku mnyenyi, wule a mahako totshe ngu kuhenya ni kutikukumukisa.

Mavingu 14:17

Awule wo kuluveta kuhenya wa ti maha txiphukuphuku, ni m'thu wa mipimiso yo biha a na vengwa.

2 Vafumeli 14:9

Sekoko Jehowasi mfumeli wa ka Israyeli, e rumela dipswi ka Amaziya mfumeli wa ka Judha a txi khene: Mpa wule wu ku Libhanoni wu to rumela dipswi ka mkedhari wu ku Libhanoni daku kha wona: Ningela mwanana wako eva msikati wa mwanana wangu; aniko sihari sa txitinga si nga ti ti Libhanoni, si to pinda si kandetela mkedhari.

Genesisi 13:7

Se ku ti ti ho kuphikizana hagari ka vadyisi va sifuyo sa Abramu ni vadyisi va sifuyo sa Loti, ka yona mbimo yile; sekoko Vakanana, Vaferezi va ti ti zumba kona ditikoni mule.

Genesisi 13:8

Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

Mavingu 26:17

Awule aku a txi pinda, e wulelela timhaka ta vamwani, a fana ni wule a ñolako yimbwa ngu tinzeve ta yona.