Mavingu 20:24 - Bhiblia Yo Sawuleka

²⁴ Mazambo a m'thu ma tsimbitiswa ngu Mkoma; sekoko m'thu a nga yi zivisa kutxani nzila yakwe apune kani?

Mavingu 20:24 Referans Kwoze

Jeremiya 10:23

Mkoma, na tiziva ti to nzila ya m'thu kha yi nga mtamoni kwakwe. Kambe m'thu kha sikoti kululamisa mazambo akwe.

Mavingu 16:9

M'thu a londisa nzila ya mbilu yakwe, kambe matsimbilelo a kona a kombwa ngu Mkoma.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Masalmo 37:23

Mkoma wa komba vathu nzila yakwe wa vhikela avale va mtsakisako.

Masalmo 25:4

Mkoma, ni gondise tinzila tako, ni gondise kutsimbila ngu magondo ako.

Mavingu 14:8

Wutxhari wa m'thu wamnene ngu kuziva nzila yakwe, aniko wuphukuphuku wa siphukuphuku wa kanganyisa.

Mithumo 17:28

nguko ka txona ha hanya, ha tsimbila-tsimbila, hiho: Nga kuwa vamwani vabhali vanu va nga womba, va txi kha vona: ‘Nanathu hi va liveleko la Txizimu.’

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Mavingu 16:1

Kulongisela kuhuma mbiluni ka m'thu, aniko xamulo yita ngu txisofuni ka Mkoma.