Mavingu 20:15 - Bhiblia Yo Sawuleka

¹⁵ Ku ni nzalama ni marigwi amangi a lisima; kambe lisima la hombe li ka txisofu txa wuzivi.

Mavingu 20:15 Referans Kwoze

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.

Mavingu 8:11

Nguko i txhuko wutxhari kupinda marigwi a lisima; hambi sotshe si si navetisako, kha si na kufana ni wutxhari.

Mavingu 16:24

Mapswi o maheka dihesa da wulombe: Ma lombela muhefemuloni, me hanyisa marambu.

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Mavingu 15:7

Sisofu sa titxhari si na theketa wuzivi, kambe mbilu ya siphukuphuku kha yi na mbi maha eto.

Vaefesu 4:29

Di nga thuke di huma dipswi da tingana ngu sisofuni kwanu, aniko ku na hume dipswi da dinene, adi di akisako, ni kuninga makatekwa vale va di engisako;

Mavingu 16:21

Awule a ku ni mbilu yo txhariha a na dhanwa ku i txhari, ni kutshambisela ka sisofu ku na engetela.

Mavingu 3:15

Wutxhari mbunene ngutu kupinda sotshe so navetisa, ni sotshe si u nga sikotako ku si navela, kha si na ku dinganiswa ni wutxhari.

Mavingu 15:23

M'thu a tsakiswa ngu xamulo ya txisofu txakwe, kambe dipswi do wombwa ngu mbimo ya kona, ndinene.

Mavingu 20:14

Kha si vhuni txilo, kha si vhuni txilo, kuwomba mxavi, aniko a txi khukha a na ti guleta.

Mavingu 20:16

Awule a tumelako kudiha mnandu wa m'thu wo mbi m'ziva, a na thavise syambalo sakwe.

Mavingu 5:2

kasi ku u na xayisa siziviso sangu, ni txisofu txako txi vekete wuzivi.

Mavingu 8:10

Amukelani silayelo sangu, i si nga silivhela, ni wuzivi kupinda nzalama yo hehuka yo sawulwa.