Mavingu 20:11 - Bhiblia Yo Sawuleka

¹¹ Hambi mwanana a zivaneka ngu mithumo yakwe, ngako mithumo yakwe i ti ya yinene ni kululama.

Mavingu 20:11 Referans Kwoze

Matewu 7:16

Mi na va ziva ngu mihando yawe. Ina mi nga hapha mauvha amu ka tikwakwati, mwendo maxanvu amu ka sihaha kani?

Mavingu 21:8

Nzila ya m'thu wo biha njo xanisa ngutu, kambe mithumo ya wo sawuleka njinene.

Masalmo 58:3

Vobiha va ti hambukisile kukhukhela kuvelekwani kwawe; avale va wombako makuhu va phazamile kukhukhela ha wananani kwawe.

Luka 1:15

Ene a na va i di wa hombe masoni ka Mkoma, kha na mbi sela vhinya mwendo wusuke wo levisa, a na tala ngu Moya wo Sawuleka a di ngadi mndani ka mame wakwe;

Masalmo 51:5

Kha ditshuri, ni m'bihi kukhukhela ni txi velekwa; ni muonhi kukhukhela mndani ka mame wangu.

Luka 1:66

Votshe va va nga txi tiengisa, va ti ti veketa hakhana kwawe, va txi kha vona: “A nava i di wo txani ene mwanana wuwa kani?” Kunene mtamo wa Mkoma wu ti ni nene.

Mavingu 22:15

Wuphukuphuku wu maneka mbiluni ka mfana, kambe ndonga yo tsayisa yi na wu tutumisa.

Mavingu 20:12

Nzeve yi yi engisako, ni diso di di wonako, ngu wumbidi wa sona si mahilwe ngu Mkoma.

2 Makronika 34:3

Ngu dilembe da wutxhanu ni mararu, da kufuma ka Josiya, i di ngadi dizambi, e khata kulava Txizimu txa Dhavhidha tate wakwe; se ngu dilembe da wugumi ni mambidi a to khata kubasisa ditiko da va ka Judha ni Jerusalema a txi thavisela makhalo awe o guleka, a txi wilela tiphande tawe ni sithombe so vatwa ni so wumbwa.