Mavingu 20:1 - Bhiblia Yo Sawuleka

¹ Vhinya mtseketseli, ni wusuke wu vangisa diguwa; ni wihi wule a ti ningetetelako ka wona, kha na mbi maha wo txhariha.

Mavingu 20:1 Referans Kwoze

Hoseya 4:11

Kha mbi ti ñola, ni vhinya, ni wusuke si thavisa mapimo.

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

Isaya 28:7

Aniko ni vona vava, va onha ngu mhaka ya vhinya, va dhedherekiselwa ngu sopa. Hambi vaphaxeli ni vaprofeti va dhedherekela ngu mhaka ya sopa; va mitwa ngu vhinya, va dhedherekela ngu sopa, va tandeka ni kutxhamusela siwoniso, se ve onha wulamuli.

Mavingu 31:4

Hi nga tona ka vafumeli, awe Lemuweli, hi nga tona ka vafumeli kusela vhinya, hambi ka madhota kunavela so sela sa mtamo.

1 Vakorinto 6:10

ni makhamba, ni vanyatimbiti, ni sidhakwa, ni varuketeli, ni vavamna va va mahako txionho txa tingana ni mwamna kulowe, kuwalo ni wammweyo kwawe a no sikota kudya thomba ya mfumo wa Txizimu.

Vagalatiya 5:21

kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.

2 Samuwele 11:13

Se Dhavhidha a to dhana Uriya veya dya ve sela, e mlevisa, kambe ni minova Uriya a to huma eya otela m'bhedhuni kwakwe kumweko ni sithumi sa nyamne wakwe; aniko kha tsula m'tini kwakwe.

Isaya 56:12

Ngonani, kuwomba vona, he tiseni vhinya, kambe hi na sela wusuke wo bava; se ditshiku da mangwana di na fana ni dona diya, ni kuva da hombe, da nduma ngutu.

Isaya 5:22

Dikhombo ka vale i ku tindena kuselani ka vhinya, ni vathu va va ku ni mtamo kupatelani ka wusuke wo bava ngutu.

Hoseya 7:5

Se ngu ditshiku da mfumeli wathu, vathangeli va to lwala ngu kuthumiswa ngu vhinya; Ene a to gwimba dianza dakwe ni vatseketseli.

2 Samuwele 13:28

Se Abhisalome a to leletela ka vafana vakwe, a txi khene: Wonisisani kha kwati; mbimo si mbilu ya Aminoni yi tsakako ngu vhinya, se ani ni txi mi gela ku khani: Dayani Aminoni! Sekoko mi na m'daya; mi nga thaveni; Ina hi ngani ni mi rumako kani? Tsanani, mi va tindena.

Levhi 10:9

Ngako awe ni vanana vako mi txi lava kuwulela ditendani ka msengeletano, mi nga seleni vhinya, hambi ni simwani so sela si si levisako, nguko mi nga fa. Awuwa mlayo mbwo kala kupinduka, ka sotshe situkulwana sanu.

Mavingu 23:20

U nga maneke hagari ka vaseli va vhinya, hambi hagari ka vathu va txinyamanyama.

Habhakuki 2:5

Kambe ngu ditshuri, ngu kutiningetetela ka vhinya, wa leka mlayo; m'thu wo tikulisa, asi ti vekisiko, a anamisako minavelo yakwe kufana ni dithitha, wa kwa mbi khura kufana ni lifo, wa tshanganisa kwakwe otshe matiko, ni kusengeleta kwakwe votshe vathu.

Isaya 5:11

Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.