Mavingu 2:9 - Bhiblia Yo Sawuleka

⁹ Sekoko u na ziva wululamo, ni wulamuli, ni kudinganisa, ni dotshe ditshuri da dinene.

Mavingu 2:9 Referans Kwoze

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Isaya 48:17

Mkoma, i ku Mutiruli wako, Msawuleki wa Israyeli, a khene: Ani ngani Mkoma, Txizimu txako, awu a ku gondisako ti ti vhunako, ni ku kukomba nzila yi u felako kutsimbila ngu yona.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Masalmo 119:99

Na pimisa ngutu kupinda votshe vagondisi vangu, nguko ni zumba ni txi alakanya ngutu sileleto sako.

Masalmo 32:8

“Ni na kugondisa ni txi kukomba nzila yi u fanelako ku yi londeta; ni na kutsimbitisa ni si leki ku kulwela.

Isaya 35:8

Se, ahale ku nava ni nzila ya lisima, nzila yi yi no dhanwa ti to i Nzila yo Sawuleka; m'bihi kha na mbi tsimbila ngu yona, aniko yi na lumba vathu va Txizimu; ava va no tsimbila ngu yona, hambi siphukuphuku kha si na mbi timela.

Masalmo 119:105

Dipswi dako i liwoningo la mikondo yangu, dilambu da nzila yangu.

Mavingu 4:18

Aniko nzila ya vo lulama yi fana ni kuwoninga ka wuronga, ku woningako kambe ni kambe diza di hetiseka kutxa.

Mavingu 8:20

Na tsimbitisa ngu nzila ya kululama, hagari ka tinzila ta wulamuli.

Mavingu 28:5

Vathu vo biha kha va ti zivi to lulama, kambe avale va xotako Mkoma va ti pima totshe.

Masalmo 25:12

M'thu wule a thavako Mkoma ene wa m'gondisa nzila yi a fanelako kutsimbila ngu yona;

Mavingu 4:12

U txi tsimbila ngu tona, kha ma na mbi karala mazambo ako; hambi u txi tutuma, khu na mbi humbwa.