Mavingu 2:8 - Bhiblia Yo Sawuleka

⁸ kasi ku e veketa ditshuri ni wulamuli, ni kuxayisa nzila ya vasawuleki vakwe.

Mavingu 2:8 Referans Kwoze

Masalmo 23:3

Wa xayisa moya wangu kambe wa ni tsimbitisa ngu tinzila to lulama, ngu mhaka ya ditina dakwe.

1 Samuwele 2:9

A na xayisa mikondo ya va sawuleki vakwe, aniko vabihi va na maha siduma amu ka txidema; nguko m'thu kha na mbi humelela ngu mtamo wakwe.

Masalmo 145:20

Mkoma wa va xayisa votshe vale va mrandako; aniko va na fuviswa votshe vaonhi.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

Masalmo 66:9

Ngu Njizimu txi hanyisako wutomi wathu kha txi tumeli ti to mikondo yathu yi rithimuka.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Mavingu 8:20

Na tsimbitisa ngu nzila ya kululama, hagari ka tinzila ta wulamuli.

Masalmo 37:28

Mkoma a randa kululama ene kha leki vathu va va mthembako. Ene wa va vhikela yotshe mbimo, aniko liveleko la vabihi li na fuviswa.

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

Isaya 35:9

Eho kha ku na mbi va ni ngonyamo, hambi txihari txa tshofu, kha txi na mbi tsimbila ngu yona, kambe kha txi na mbi maneka ka yona; aniko vale va nga tirulwa, va na tsimbila ngu yona.

Masalmo 37:31

Ene ana ni mlayo wa Txizimu mbiluni kwakwe, ngu kumaha keto, mikondo yakwe kha yi rithimuki.

Masalmo 97:10

Mkoma wa randa avale va nyenyako kubiha wa vhikela wutomi wa vale va mthembako, wa va hulukisa manzani ka vabihi.