Mavingu 2:13 - Bhiblia Yo Sawuleka

¹³ ka vale va lekako ditshuri da wululamo, ve tsimbila ngu tinzila ta txidema;

Mavingu 2:13 Referans Kwoze

Mavingu 4:19

Nzila ya vaonhi yi fana ni txidema; kha va txi zivi atxile va humbwako ngu txona.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

Mavingu 21:16

M'thu wule a lekako nzila ya wuzivi, a na maneka a di mtaloni ka vafi.

2 Timoti 4:10

Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya.

Johani 12:35

Se Jesu a to va xamula a txi khene: “Liwoningo li ngadi ni nanu ngu mbimoanyana. Tsimbilani mi di ngadi ni liwoningo, kasiku txidema txi si mi mani, nguko awu a tsimbilako txidemani, kha kuzivi amu a yako kona.

Johani 1:6

Ku humelete m'thu wo rumelwa ngu Txizimu, ditina dakwe i ti Johani.

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Ezekhiyele 18:26

Ngako m'thu wo lulama a txi huma kululamani kwakwe a txi maha wubihi, a na fa ngu wona; a na fela ka wona wubihi wule a nga wu maha.

Masalmo 82:5

Vona vabihi kha va zivi, kambe kha va pimisi; va hanyela txidemani. Ngu konaho, asi si tsanisako mafu sa tsekatseka!

Masalmo 36:3

Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

Masalmo 14:3

Aniko votshe va hambukile, kambe va onhekile, kha nga ho wule a mahako ta tinene. Lambi ni wammeyo!

Varoma 1:21

Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.

Isaya 59:8

Kha va yi zivi nzila ya kudikha, kambe kha ku nga ni kululama kutsimbilani kwawe; va ti mahete tisoko tawe to gombonyeka vapune; ni wuhi wu a tsimbilako ka tona, kha zivi kudikha.