Mavingu 19:9 - Bhiblia Yo Sawuleka

⁹ Fakazi ya makuhu kha yi na mbi huluka kutsayiswa; se ni wule a wombawombako makuhu, a na lova.

Mavingu 19:9 Referans Kwoze

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mavingu 19:5

Fakazi ya makuhu kha yi na mbi va ni ditshuri; ni wule a wombawombako makuhu, kha na mbi huluka.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

Mavingu 6:19

wufakazi wa walo wo womba-womba makuhu, ni wule a phayako mazunga ka vanawe.

Mavingu 12:19

Mapswi a ditshuri ma na zumba yotshe mbimo, aniko mawombawombelo a makuhu, nga mbimo ya yidotho.

Mavingu 21:28

Fakazi ya makuhu yi na lova, aniko m'thu wule a engisako, a womba-womba ngu kutsana.

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.