Mavingu 19:7 - Bhiblia Yo Sawuleka

⁷ Votshe vanawe va txisiwana va txi nyenya; ngutu-ngutu vangana va txona, va na tshuketela kule! Txa va londeta ngu kututuma txi va dhana, aniko kha va txi vhuni ngu txilo.

Mavingu 19:7 Referans Kwoze

Mavingu 19:4

Tithomba ta manisa vangana vavangi, aniko txisiwana, txa lekwa ngu mngana wa txona.

Mavingu 21:13

Awule a tsivako nzeve yakwe ka huwa ya txisiwana, nene a na dila kambe kha na mbi engiswa.

Mavingu 18:23

Txisiwana txi womba-womba ngu kukhongotela, aniko nyatithombe a womba-womba ngu kunemetisela.

Masalmo 38:11

Vandoni vangu ni vanakulothi va hambukile ngu mhaka ya dikhombo dangu; maxaka angu ma ema ngu kule.

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Mavingu 14:20

Txisiwana txi nyenywa hambi ngu muakelani wa txona, aniko vangana va vanyatithombe mbavangi.

Masalmo 88:18

U ni hambanisile ni vangana ni vaakelani vangu; mpangalati wangu ngu txidema dwe.

Masalmo 88:8

U ni hambanisile ni vangana vangu; u ni mahile wo nyenyeza masoni kwawe. Ni fana ni wo khotelwa asi sikotiko kuhuma.

Mavingu 10:15

Thomba ya nyatithombe, ngu yona i ku didhoropa dakwe do tsana; sisiwana si fuviswa ngu wusiwana wa sona.

Masalmo 38:12

Avale va lavako ku ni daya va ni riyete; avale va ni navelelako kubiha va ni ruketela; sotshe sikhati va maha sikungo so kanganyisa.

Mavingu 27:10

U nga leke mngana wako, hambi mngana wa tate wako, kambe u nga wulele nyumbani ka mwananu ngu ditshiku da mazunga.