Mavingu 19:3 - Bhiblia Yo Sawuleka

³ Wuphukuphuku wa m'thu wu na timeta nzila yakwe, se mbilu yakwe yi na henyela Mkoma.

Mavingu 19:3 Referans Kwoze

Masalmo 37:7

Themba Mkoma, u txi rinzela ene; u nga khatale ngu vale va humelelako wutomini kwawe, avale va humelelako ngu makungo awe o biha.

Mavingu 11:3

Kuthembeka ka vale vo lulama ku na va tsimbitisa, aniko wuhambunyeti wa sindaka-milayo wu na si haxula.

Masalmo 37:1

U nga henye ngu mhaka ya vale va mahako kubiha, kambe u nga bavele avale va mahako ta walo,

2 Vafumeli 6:33

Se a txi nge womba-womba navo, awule wo rumwa a nje bwa; mfumeli a nje khene: Kuwoneka taku dikhombo diya dita ngu ka Mkoma; kona ni ndi na verela txani kambe ka Mkoma kani?

1 Samuwele 15:23

Nguko kutitsimba kufana ni txionho txa wuloyi, ni kutikulisa kufana ni wubihi ni kukhozela sifananiso. Nga kule awe u nga lamba dipswi da Mkoma, nene a ku lambile, kasi ku u si mahi mfumeli.

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

Isaya 32:6

Nguko txiphukuphuku txi womba-womba wuphukuphuku, ni mbilu ya txona yi maha to biha, ni kuthumisa wukanganyisi, kasi kuwombawomba ta walo, to wukela Mkoma, se txi tona muhefemulo wa wule a ku ni nzala, ni kutona mati awu a ku ni ditora.

Jobe 15:13

Moya wako wu tshuralela Txizimu ngu kutxani, se u leka mapswi o ngeto me huma ngu mkanani kwako kani?

Sidilo 3:39

Se m'thu wa kuhanya a vilela txani kani? Mmweyo ni mmweyo a na ti laye ngako a txi pekelwa sionho sakwe.

Ezekhiyele 18:25

Ma womba mi txi khanu: Nzila ya Mkoma hi nga yo lulama. Engisa koko awe nyumba ya ka Israyeli: Nzila yangu kha ya lulama kani? Hi nga tinzila tanu ti nga gombonyeka kani?