Mavingu 19:29 - Bhiblia Yo Sawuleka

²⁹ Wulamuli wu emisetwe vatseketseli, ni sisephu ka makata a siphukuphuku.

Mavingu 19:29 Referans Kwoze

Mavingu 26:3

Txisephu nja dihantxhi, matomu nja mbongola, se limhika nda msana wa siphukuphuku.

Mavingu 10:13

Txisofuni ka txhari kumaneka wutxhari, aniko limhika li peka msana wa wule wo pwata mapimo.

Mavingu 9:12

Ngako u di txharihile, u na ti txharihela upune; se ngako u ti mtseketseli, ngawe wekha u no xaniseka.

Vahebheru 12:6

Nguko Mkoma a kawuka m'thu wu a mrandako, ni kutsayisa mwanana wuhi ni wuhi, a mu amukelako.”

Isaya 29:20

Nguko mxanisi kha na mbi va txilo, se mtseketseli a na ti lovisa, ni votshe vale va ti ningelako ka wubihi, va na thaviswa,

Isaya 28:22

Konkuwa koko, mi nge ngadi mi tseketsela; kasi ku asi mi nga sungwa ngu sona si si pswitwi; nguko se ni pfite Mkoma, Txizimu txa Mabutho a Tiyimbi, a txi womba-womba ngu kuhoxota, se atiya ti tsanisilwe txitimwi ka otshe mafu.

Mavingu 18:6

Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.

Mavingu 17:10

Silayelo sa wulela kha kwati ka m'thu wo pfisisa, kupinda ka txiphukuphuku txo mbi kwapwa.

Mavingu 7:22

Se ene e mlondisa koneko, nga homu ya kuya kudawani; nga txiphukuphuku txi txayiswako mkorani;

Mavingu 3:34

Kha ditshuri ene a na xanisa vatseketseli, aniko a na ninga kukateka ka vale vo thutha.

Dhewuteronome 25:2

Ngako awule a ku ni mnandu a di ni fanelo yo pekwa, mlamuli a na ruma ti to a txi bubuma, se e ruma ti to e pekwa masoni kwakwe, ngu mtengo wa mapeko awa ma fanelako mnandu wakwe.

Masalmo 1:1

A katekile m'thu wule asi wuleliko txikungoni ka vabihi, ni kwa mbi tsimbila nzilani ka vaonhi, hambi kuzumba ni vapoyileli.

2 Vafumeli 2:24

Se mbimo yile Elixa a nga tshembereka e wona msana, a to va ruketela ditinani ka Mkoma. Sekoko ku to huma singwingwi ngu mu ka txitxhotxhota, si vhandamulela vafana vale va mune wa magumi ni vambidi.

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

Mavingu 1:26

se nani ni na mi seka ni ku mi poyilela kutimelani kwanu, na ku txi hoka ati ti no mi maha mi thava.