Mavingu 19:17 - Bhiblia Yo Sawuleka

¹⁷ Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Mavingu 19:17 Referans Kwoze

Mavingu 28:27

Awule ahako txisiwana, kha na mbi kelelelwa, kambe wule a pfhumisako maso, a na va ni kuxaniseka ka hombe.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Luka 6:38

Hanani vamwani, kasiku na nanu mi na hiwa. Ha tikhanani kwanu ku na thelwa mpimo wa wunene, wo zindetwa, wu txi khusungelwa, wo tala wu txi thekela; nguko mpimo wu mi no pimela vamwani, ngu wonewo nanu mi no pimelwa ngu wona.”

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Ekleziyaste 11:1

Rinza dipawu dako txitimwi ka mati, nguko msana ka masiku amangi, u na di mana.

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Vafilipiya 4:17

Hi nga ti to no vilela kuhiwa, aniko ni vilela ni m'hando wu wu no mi ninga dibhindu.

Mavingu 14:21

Awule a txhipisako muakelani wa onha, aniko awule a xanisekelako sisiwana a katekile.

Mavingu 28:8

Awule a andisako thomba yakwe ngu dibhindu do biha ni ku honyolela sa vakwawe, a vekela wule a pfelako sisiwana.

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

2 Samuwele 12:6

Se a na diyela txi nvutana ngu kuningela mune wa sona, nguko a mahile mhaka yo ngeto asi nga ni kupfela wusiwana.

Dhewuteronome 24:19

Ngako u txi elula mafaka thembweni kwako, u txi thuka u divala mlumbi, u nga tshumele u txi ya rolela, nguko mafakeyo ma siyele mluveli, ni wo felwa ngu vaveleki, ni wule i ku noni, kasi ku Mkoma, Txizimu txako, a na kukatekisa, ka yotshe mithumo ya manza ako.

Masalmo 72:13

A nava ni wumbilu ka va vo ti veka hahatshi a na hanyisa muhefemulo wa sikulungu.

Mavingu 22:9

Awule a ku ni mawonelo amanene a na katekiswa, nguko waha sisiwana dipawu dakwe.

Ekleziyaste 11:2

Abanisela ngu makhalo a mtxhanu ni mambidi, mwendo mtxhanu ni mararu, nguko khu zivi dikhombo di di no humelela ha mafuni.

Masalmo 41:2

Mkoma a na mxayisa e mninga kuhanya, a na mninga kuzumbiseka ha mafuni; kambe kha na mbi mleka e xaniswa ngu valala vakwe.