Mavingu 19:16 - Bhiblia Yo Sawuleka

¹⁶ Awule a vekisako mlayo, a na vekisa muhefemulo wakwe; aniko awule a txhipisako tinzila ta tinene a na fa.

Mavingu 19:16 Referans Kwoze

Luka 10:28

Se Jesu a nje khene kwakwe: “U xamute ta tinene; maha toneto, u na mana wutomi.”

Mavingu 13:13

Awule a nyenyako silayelo a na lova, aniko awule a thavako mlayo, a na wuyelwa.

Luka 11:28

Jesu a txi khene: “Kambe ngutu-ngutu va katekile ava va engisako dipswi da Txizimu, va txi di vekisa.”

1 Johani 5:3

Nguko kuranda Txizimu ti womba kuveketa milayo ya txona; kambe milayo ya txona kha yi nemeli.

1 Johani 3:22

se txihi ni txihi hi no kombela hi na ningwa ngu Txizimu; nguko ha veketa sirumo sa txona ni kumaha ati ti txi tsakisako.

Mavingu 29:18

Aha ku pwatekako ditshuri, vathu mbanyammahe dwe; kambe awule a vekisako mlayo, eyo a katekile.

Mavingu 21:23

Awule a xayisako txisofu txakwe ni lidimi lakwe, wa vhikela dihika dakwe ka sikarato.

Mavingu 16:17

Nzila yo guleka ya vale vo lulama, ngu kuvayilela to biha; awule a veketako nzila yakwe a xayisa muhefemulo wakwe.

Mtuletelo 22:14

Va katekile avale va kuwulako tinguwo tawe kasiku ve mana txyavelo ka mndonga wa wutomi, ni kusikota kuwulela didhoropani ngu ha sikeni ka dona.

1 Vakorinto 7:19

Wukwera hi nga txilo, wukhutu ni wona hi nga txilo; txa lisima ngu kuveketa sirumo sa Txizimu.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Ekleziyaste 8:5

Awule a xayisako sirumo kha na mbi welwa ngu to biha; se mbilu ya txhari ya ziva mbimo ni mamahelo.

Mavingu 3:1

Mwanangu, u nga divale kulaya kwangu, kambe mbilu yako yi na vekete milayo yangu.

Johani 14:15

“Ngako mi txi ni randa, mi na veketa milayo yangu.

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Ezekhiyele 33:5

Nguko a pfite diguwa da mpundu asi khatali ngu tona; mnoha wakwe wu na va txitimwi kwakwe; aniko wule a khatalako, a na hulukisa wutomi wakwe.

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Mavingu 22:5

Nzilani ka wo biha ku ni mipa ni milawu, awu a xayisako dihika dakwe, asi rethela kule.

Mavingu 15:32

Awule a lambako kukawukwa, wa txhipisa moya wakwe, aniko awule a engisako silayelo, wa mana kupimisisa.

Masalmo 103:18

ka vale va londetako txitumelelano txakwe va si divaliko kuvekisa sirumo sakwe.

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Mavingu 21:16

M'thu wule a lekako nzila ya wuzivi, a na maneka a di mtaloni ka vafi.