Mavingu 19:12 - Bhiblia Yo Sawuleka

¹² Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.

Mavingu 19:12 Referans Kwoze

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Mavingu 20:2

Kuthisa ka mfumeli kufana ni kubhonga ka ngonyamo; awule a mwuselako kuhenya, o lwisa muhefemulo wakwe apune.

Mavingu 28:15

Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.

Mika 5:7

Se miboti ya ka Jakobe, yi na va hagari ka vathu vavangi, ku nga mwando wa Mkoma, ku nga matshutshelo txitimwi ka mwasi, wu si emeliko m'thu, mwendo kuverela vanana va vathu.

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.

Ekleziyaste 8:4

Nguko dipswi da mfumeli di ni mtamo; se i mani wu a no khene kwakwe: U maha txani kani?

Masalmo 72:6

Mfumeli a na fane ni mati ma wako tithembweni, e fana ni mapshwi ma nakanisako mafu!

Esteri 7:8

A di khukhile koko mfumeli ngu thembweni ka nyumba ya wukoma e wuya nyumbani ka m'buso wa hombe wa vhinya, Hamani a ti ti khizamile ewa ngu khohe hahatshi ka txikhalo txile Esteri a nga ti ka txona. Sekoko mfumeli a to khene: Ina a lavile kukurumeta msikati wa mfumeli masoni kwangu, nyumbani muwa kani? Ngako di ti humile dipswido ngu txitsofuni ka mfumeli, va to fenengeta khohe ya Hamani.

2 Samuwele 23:4

Se a na fana ni kuwonekela ka mixo, ngako di txi huma ditambo ni mixo ko pwata marefu, ngu kuwoninga ka dona, msana ka kuva ma di wite mati, kumilisa mwasi wa mafu.

Genesisi 27:28

Txizimu txi na ku nisela mwando wa nzumani, txi kuninga mafu o nona; ni kupfuna ka fulaho ni vhinya.

Dhewuteronome 33:28

Israyeli a akile kuxayisekani, txisima txa Jakobe txi zumbisekile, ka mafu a kupfuna fulaho ni vhinya, hahatshi ka nzuma, ayi yi wisako mwando.

Isaya 18:4

Nguko Mkoma a ni gete tiya: Ni na malala, ni wonetela ni di dizumboni kwangu, kufana ni kuhisa ka ditambo do phatima, nga mwando wa hunguva ka lisani la mbimo ya kuelula.

Esteri 1:12

Kambe Vhasta mfumeli wa txisikati, a to lamba kuta madingano ni dipswi da mfumeli, ngu dianza da mithenwa; ngu kumaha keto mfumeli a to henya ngutu, se txiviti takwe txi tura.