Mavingu 19:11 - Bhiblia Yo Sawuleka

¹¹ Mapimo amanene ma sisa kuhenya ka m'thu; se kudhundeka kwakwe ngu kuretha sihoheto.

Mavingu 19:11 Referans Kwoze

Mavingu 16:32

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Mavingu 12:16

Kuhenya ka txiphukuphuku kha ku sweli kuzivaneka, aniko awule wo txhariha wa sisa tingana.

Vaefesu 4:32

Zumbani mi di vavanene, mi txi pfelana wumbilu. Divalelanani kufana ni kuwa Txizimu ni txona txi nga mi divalela ngu ka Kristu.

Mavingu 20:3

Wa dhundeka m'thu wule a vayilelako mazunga.

Mavingu 25:21

Ngako mlala wako a txi pfa nzala, mninge dipawu e dya; ni kungako a ti ni ditora, mninge mati e sela,

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

2 Vafumeli 5:12

Kuleka eto, ina minambo ya Abhana ni Faripari kona Dhamasku, kha yi pindi ngu wutxhuko otshe mati a Israyeli kani? Ina ni sa sikota kusamba ka ona ni kalamuka kani? A to tshumela e tsula na a di henyile ngutu.

Mavingu 11:13

M'thu wa txibwebwe wa humisa txihunja, aniko awule a ku ni moya wo thembeka wa fenengeta mahungu.

Mavingu 29:11

Txiphukuphuku txa hangalasa kuhenya ka txona kotshe, aniko txhari ya sisa, ni ku ti layetela.

Mavingu 20:22

U nga wombe ku khawe: Ni na tshumetela wubihi; themba ka Mkoma, se ene a na kuhulukisa.