Mavingu 18:6 - Bhiblia Yo Sawuleka

⁶ Txiphukuphuku txi wuletwa mazungani ngu mapswi a txona, txisofu txa txona txa txi wuleta kutsayiswani.

Mavingu 18:6 Referans Kwoze

Mavingu 27:3

Dirigwi da nemela, mafu ni ona ma nemela; aniko kuhenya ka txiphukuphuku ka nemela kupinda sona.

Mavingu 29:9

M'thu wo txhariha a txi phikizanako ni txiphukuphuku, mwendo wa henya mwendo wa seka, kha na mbi mana kuhumula.

Mavingu 25:24

I txhuko kukhwekela ko tutelwa ngu mati, kupinda nyumbani ka hombe, ni wamsikati wa maguwa.

Mavingu 20:3

Wa dhundeka m'thu wule a vayilelako mazunga.

Mavingu 19:29

Wulamuli wu emisetwe vatseketseli, ni sisephu ka makata a siphukuphuku.

Mavingu 19:19

M'thu wa txihenyisani a na dawa ngu txona; nguko u txi mtxhatxhisa, u na tshumela u maha toneto kambe.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

Mavingu 14:16

Txhari ya thava yi vayilela to biha, aniko txiphukuphuku txa henya txi ti maha txo tsana.

Mavingu 14:3

Ngu mkanani ka txiphukuphuku kuhuma ndonga ya kutikulisa, aniko txisofu txa txhari txi na yi xayisa.

Mavingu 13:10

Kutikulisa kutisa mazunga, aniko wutxhari wu manwa ka vale va ningako milayo.

Mavingu 12:16

Kuhenya ka txiphukuphuku kha ku sweli kuzivaneka, aniko awule wo txhariha wa sisa tingana.

Mavingu 22:10

Humisa hahanze mtseketseli, u na heta dizunga; mhaka ni tingana si na guma.