Mavingu 18:3 - Bhiblia Yo Sawuleka

³ A txi ta muonhi, ata ni kutxhipisa; txiruko txita ngu mu ka tingana.

Mavingu 18:3 Referans Kwoze

Mavingu 22:10

Humisa hahanze mtseketseli, u na heta dizunga; mhaka ni tingana si na guma.

1 Pedro 4:14

Ngako mi txi xaniswa ngu ditina da Kristu, mi katekile, nguko moya wa kupfaliswa, Moya wa Txizimu, wu zumbile hagari kwanu.

Mavingu 29:16

Mbimo yile vaonhi va engetelanako, kuhambunyeta ni kona ka engetelana, aniko avale vo lulama, va na wona kuwa ka vaonhi.

Mavingu 11:2

Ku txi ta kutikulisa, ti nata ni tona tingana; aniko avale vo ti veka hahatshi, va ni wutxhari.

1 Pedro 4:4

Vona va xamala ku mi si ngadi mi tsimbila navo, amu ka wubhemba, se ngu mhaka yeto, va mi ruka.

Masalmo 69:20

Siruko si ni bhandisete mbilu, se ni lwala. Ni lavile wo ni pfela wusiwana, aniko kha na mmana; kha na mana ni wammweyo wo ni tangalisa.

Masalmo 69:9

Kukhatalela nyumba yako ka ni dya; siruko sa vale va ku ruketelako si wete txitimwi kwangu.

Nehemiya 4:4

Engisa, awe Txizimu txathu, nguko athu va hi eyisa, wisa tingana tawe ha msungo kwawe, u va ningela ti to ve handwa, ditikoni ka wukhumbi.

1 Samuwele 20:30

Sekoko Sawule a to henyela Jonatani, a txi m'gela tiya: Mwanana wa txiphukuphuku, wa kwa mbi na tinzeve; ina ani kha ni tizivi ti to awe u sawula mwanana wa Jese, kuva tingana tako ni tingana ta wumbwiri wa mame wako kani?

Mavingu 18:2

Txiphukuphuku kha txi txakiswi ngu mipimiso ya yinene, hahanze ka kuhumisa ti ti ku mbiluni ka txona.

Mavingu 18:4

Mapswi a mkanani ka m'thu, mati o mita, txisima txa wutxhari txi fanana ni txinambwana txo tala ngu mati me thekelela.

Mavingu 13:5

M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.