Mavingu 18:23 - Bhiblia Yo Sawuleka

²³ Txisiwana txi womba-womba ngu kukhongotela, aniko nyatithombe a womba-womba ngu kunemetisela.

Mavingu 18:23 Referans Kwoze

Jakobe 2:3

Se mi amukela kwati awule wa kubomba, mi txi khanu: “Awe khalahatsha hawa ka txikhalo txa masoni,” ngu msana mi txi khanu ka wule wa txikulungu: “Awe ema konaho” mwendo ku khanu: “Awe khalahatsha hahatshi ka txikandetelo txa mikondo yangu.”

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Matewu 5:3

“Va katekile ava i ku sisiwana moyani, nguko Mfumo wa nzumani mbwawe!

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

1 Samuwele 25:17

Wona koko, konkuwa, u alakanya ti u no maha, nguko ka totshe tiya da ta dikhombo ka nyamne wathu ni ka nyumba yakwe yotshe, kambe ene m'thu wa tshofu, kha ku na wo a nga womba-womba nayo.

1 Samuwele 25:10

Se Nabhali a to xamula ka sithumi sa Dhavhidha, a txi khene: I mani Dhavhidha, i mani mwana Jese kani? Masikwananu nzingi sithumi si tutumako ka vanyamne va sona.

1 Samuwele 2:36

Se ku na maheka tito, votshe vale va no sala ka miboti ya nyumba yako, va nata khizama masoni kwakwe, ve kombela male ya silivhela mwendo txikhwemu txa dipawu, va txi kha vona: Na kukombela ni tumelele ni maha mthumo wokari wa wuphaxeli, kasiku ni txi na mana kudya txikhwemu txa dipawu.

Rute 2:7

Dona di to kha dona: “Ni tumelele ni txi lavetela sitxatxa hagari ka tinyanda ta fulaho, ngu msana ka vaeluli. Ngu mhaka keto, dona di tile, kukhukhela ni mixo di maneka hawa kala ni konkuwa, hahanze ka mbimoanyana, a nga ya humula mtsudini.”

Eksodha 5:2

Aniko Faro a to khene: “I maniMkoma, wa ku naza ni engisa dipswi dakwe, ni leka va ka Israyeli, ve tsula kani? Kha ni m'zivi Mkoma, kambe kha ni na mbi leka va ka Israyeli ve tsula.”

Genesisi 42:30

M'thu wule a fumako ditiko dile, a hi wombawombete ngu wurena, a txi pimisa ti to hi sinyengwani ka ditiko dile.

Genesisi 42:7

Kambe Josefa a di woni vanawe, a to va ziva, aniko a to ti mahisa a txi nga mthuyo, e womba-womba navo ngu wurena. A to va wotisa, a txi khene: “Mi ta ngu hani kani?” Se vona va mxamute va txi kha vona: “Hi ta ngu ditikoni ka Kanana, ho ta xava sakudya.”

1 Vafumeli 12:13

Se mfumeli a to va xamula vathu vale ngu kukaratisa ngutu, nguko a ti lekile wudhota wule a nga ti ningilwe ngu madhota.

2 Makronika 10:13

Se mfumeli a to va xamula ngu kukarata ngutu, nguko mfumeli Rebhowamu a leka wudhota wa madhota.

Mavingu 19:7

Votshe vanawe va txisiwana va txi nyenya; ngutu-ngutu vangana va txona, va na tshuketela kule! Txa va londeta ngu kututuma txi va dhana, aniko kha va txi vhuni ngu txilo.

Mavingu 22:7

Nyatithombe a fumela sisiwana, ni wule a lombako somaha, a maha khumbi ya wule a nga lomba kwakwe.

Jobe 41:3

Ina mwendo yi nga dilela kwako kani? Mwendo yi nga kukombela ku yi tsetsa kani?